Мұхтар Әблязов тауықтан да пайда тапқан
Қашқын банкирдің ақша жымқырудағы түрлі тәсілдері оны сырттай соттап жатқандарды күн сайын таңқалдыруда, – деп хабарлайды КТК арнасы.
Бұл жолы, атышулы олигархтың азық-түлік жеткізумен айналысатын жалған фирмаларды қаржыландырған болып, миллиардтарды оп-оңай жымқырғаны айтылды. Қулығына құрық бойламаған экс-банкир екі жалған компания арасында мұздатылған тауық санына келісім-шарт жасатып, оны БТА есебінен қаржыландырған. Қағаз жүзіндегі кәсіпкерлерге банк бақандай 12 миллиард 600 миллион теңге бөліпті. Бірақ ақша сол күйі ауаға сіңіп, жоқ болған.
Дәл осылай қашқын банкир шошқа еті, жүгері мен соя тасымалдаушыларына қырауар несие берген болып, пайдасын өзі көріп отырған. 1 триллион 557 миллиард теңгені елден алып қашқан Әблязовтың басқа да айласы жетіп артылады. Тіс қаққан қаржыгер офшорлық компаниялары арқылы Ресейдегі сауда нысандары құрылысына дейін қаржыландырған болып, ол жақтан 70 миллион долларды қалтаға басыпты.
Жіберіп алмаңыз:
Мемлекет басшысы шығармашылық зиялы қауым өкілдерімен кездесті
Әкім Сапарбаев резеңке етікпен су басқан ауылдарды шолып шықты (фото)
Арыстанбек Мұхамедиұлының есебін тыңдаған министрлер күліп жіберді (видео)