Соңғы жаңалықтар
Соңғы жаңалықтар

МС Сайлаубекті сынақ кітабына енгізген автор жұрттан кешірім сұрады

Дегенмен, қазір Сауд Арабиясында білімін жетілдіріп жатқан Серікболсын Дүйсенбайдың айтуынша, үлкен еңбектің ішіндегі титтей қателік үшін өзектен тепкен елге қайтқысы да келмейді екен. Бұл туралы КТК хабарлады.

Даулы видео ғаламторда тараған болатын. Онда оқулықтың 75-бетінде жүрген тапсырма көптің көңіліне жақпай қалыпты. Тапсырмада «МС Сайлаубектің жұлдыз болуына не әсер етті?» деген сұрақ жүр. Оқушы сондағы 4 жауаптың ішінен дұрысын таңдау керек. Артынша анықталғаны, бұл Назарбаев зияткерлік мектебіне түсу үшін тапсыратын тест сұрақтарына дайындалатын кітап екен.

Оқулық авторы болса сол мектептің түлегі болып шықты. Өзі қазір Сауд Арабиясында «Қолданбалы математика және компьютерлік ғылымдар» математика ғылымы бойынша магистратурада оқып жатыр. Ұмытыла бастаған Сайлаубектің атын шығарған жас автор енді бұндай қателігін қайталамайтынын айтып біраз ақталған.

«Талай 100 мың данамен шығып жүрген, ішінде қаншама қателіктер өріп жүрген оқулықтарды да көзіміз көріп жүр. Ал біздің ресми емес, тек емтиханға дайындыққа арналған Қазақ тілінен бар-жоғы 100 дана тесттер жинағының ішіндегі 5-6 жолымыз қаншама балағат, ғайбат сөздерге алып келді. Бірақ, бұл жолдар келесі басылымда ауыстырылып, түзетіліп үлгерген еді. Және бұл тест жинағы ешқандай ресми бекітілмеген, мектеп бағдарламасына енбеген» – дейді оқулық авторы Серікболсын Дүйсенбай.

Жіберіп алмаңыз:

Алматыда шетелдік фотографқа Көк базарды суретке түсіруге тыйым салды

Алматылық теміржолшы ана мен баланы өрттен құтқарып қалды

Сот алдында жауап беріп жатқан Тоқмәдидің қызы құндыз ішігін сатуға қойды

Бәкеден келдім: Астанада алаяқтар әкім атын пайдаланып, мейрамханада тегін тамақтанып келген

Талқылау