Қытайдағы сауда орталығы бойжеткендерге жігіттерді жалға бере бастады

Қытайда сауда орталықтары бойжеткендерге жігітті жалға алуды ұсынды.

Сурет: QQ.com

Бұл туралы South China Morning Post басылымына сілтеме жасап Stan.kz хабарлайды.

5 сәуірде Хэбэй провинициясындағы сауда орталықтарының бірінде осындай қызмет түрі пайда болды. Хайнань және Шаньдун провинцияларында мұндай қызмет бірнеше ай бойы қолданыс тауып келеді.

Хэбэйдегі сауда орталығында ер адамдар сөреге қойылған. Олардың бірің 30 минутқа жалға алу үшін, жанында тұрған тақтадағы QR-кодын сканерден өткізіп, 1 юань (шамамен 50 теңге) төлеу керек. Мұнан кейін ол сатып алушымен бірге дүкен аралап, оның сөмкелерін тасып, суретке түсіп, әңгімелеседі.

Хайкоу қаласындағы  Хэйнань провинциясында жұмыс істейтін жалға беру қызметінің қызметкері жігіттерді жалға алатындардың дені 30 жасқа толмаған қыздар екен. Оның сөзінше, бойжеткендер киім таңдағанда оның пікірін сұрап, бірге суретке түсіп, желіде жариялап жатады екен.

«Біз бір-бірімізге жақындасуымызға болмайды. Ережеде осылай көрсетілген», – дейді ол.

Оқи отырыңыз:

Ирландияда өлім жазасына кесілген ер адамға бір жарым ғасырдан кейін кешірім берілді

Ер адам AliExpress-тен сатып алған көзілдірігі үшін қылмыстық істің фигурантына айналды

Түркияда қазақстандық қыздардың құжаттарын тартып алып, секс-құлдыққа сатып келген

Мұсылман әйелдер төстартқыш үшін әйгілі дүкенде ойран салды (видео)