Қытайда алғаш рет сирек кездесетін «сиқырлы қоян» бейнекамераға түсіп қалды (видео)
Қытайда алғаш рет «сиқырлы қоян» деп аталатын қоян тобынан шыққан сирек кездесетін жануар бейнекамераға түсіп қалды.
Бұл туралы IFLScience хабарлайды, деп жазады Stan.kz ақпараттық агенттігі.
Сирек кездесетін қоянның бұл түрі алғаш рет 1983 жылы анықталып, 1985 жылы бекітілген болатын. Содан кейін шамамен 20 жылдай уақыт қоянның бұл түрі еш жерде көрінбеді. Іле шиқылдағы деп аталатын ерекше қоянды алғаш рет 2014 жылы ғана суретке түсіру мүмкін болды. Содан кейін олар мекендеуі мүмкін деген барлық жерлерге бейнекамера орнатылды. Бұл сирек кездесетін қоян осылайша бейнетаспаға түсіп қалып, YouTube каналында жарияланды.
Осы суреттер ғалымдарға пандадан гөрі сирек кездесетін қоянтексес жануарды көбірек танып-білуге көмектеседі. Іле шиқылдағы Қытайдың солтүстік-батысындағы Синьцзян провинциясының аумағында Тянь-Шань тауында кездеседі. Сарапшылардың пікірінше, іле шиқылдағының жалпы саны популяция 2 мыңнан кем емес. Неше жылдан кейін қайта көзге көрінген сиқырлы жануардың денесінің ұзындығы шамамен 20 сантиметр болады.