Жас жұбайлар думандатып той жасаудың орнына 30 балаға қыстық киім алып берді
Қырғызстандық жастар қымбат үйлену тойын жасамай, оның орнына аз қамтылған отбасылардан шыққан 30 балаға қыстық күртеше алып берді.
Бұл туралы Sputnik Қырғызстан хабарлайды.
Ерлі-зайыпты атанған Расул Манаппай мен Мейірім Абасова осындай игі қадамға барған. Расул эколог болып қызмет атқарса, келіншегі бағдарламашы болып жұмыс істейді.
“Олар тойға шығн жұмсамай, оның орнына балаларға қыстық киім алып беруді жөн көрді”, – деді акция ұйымдастырушыларының бірі Бекжан Шығаев.
“Мұндай қадам нағыз еліктеуге тұрарлық әрекет. Кез-келген бай адамның өзі бұлай жасай алмас еді. Аз қамтылған отбасы мен мүгедек балаларға көрсетілген көмек үшін алғыс білдіреміз”, – дейді үкіметтік Талас облысындағы өкілі Дайыр Кенекеев.
Бақай-Ата мен Талас ауданының балалары осылайша қыстық киімдерге ие болған. Жалпы елде жаңа үйленген жастардың қайырымдылық жасауы әдетке айналып келеді.
Бұған дейін Бішкектік жас жұбайлар думандатып той жасамай, оқушыларға қажетті құрал-жабдықтарын алып берген еді.
Оқи отырыңыз:
Бір айдан кейін миллиондаған смартфондарда WhatsApp өз жұмысын тоқтатады
Сауд Арабиясында хиджабсыз суретке түскен әйелді өлім жазасына кесуге шақыруда
Барак Обаманың алдағы уақытта немен айналысатыны белгілі болды