Қымбат көлігіне қару-жарақ толтырып алып Алматының тынышын алған күдіктілер мәлімдеме жасады

Бейсенбі, 16 Қараша , 2017 23:23

Азаматтардың бірі алдағы екі айын абақтыда өткізеді. Сот заңсыз қару сақтады деп айыпталып жатқан Дәурен Әлеухановты қамау туралы санкция берді,-деп жазды КТК арнасы

13 қарашада қаланың қақ ортасында арнайы операция өткен еді. Нәтижесінде мұздай қаруланған екі азамат заң қызметкерлерінен қашамын деп, алысқа ұзамай қолға түскен болатын. Олар енді тергеліп жатыр.

Полицейлерден қашамын деп тұтылғандардың бірі Дәурен Әлеуханов. 23 жастағы Шымкенттің тумасы Алматыға Дастан есімді досына қонаққа келген екен.

Айтуынша өзі тізгіндеген қару толы қара джип та осы танысына тиесілі. Осындай уәж айтқан ол өзін сот залында еркін ұстады. Және тағылған айыптардың ешқайсысымен келіскен жоқ.

Тіпті, жүргізуші орындығының астынан табылған Ф-1 әскери гранатасын бірінші рет көрдім деп шаң жуытар емес. Керісінше, тұтқындау кезінде асыра сілтеу болды дегенді айтады.

«Мені ұстап алған кезде 1,5 сағат жерде жаттым. Аузымнан қан ағып кетті. Қолым байлаулы ғой. Қолыма лак сияқты бірнәрсе жақты»,-дейді  күдікті Дәурен Әлеуханов.

Десе де еш жерде жұмыс істемейтін күдікті бұған дейін де заңсыз қару сақтағаны үшін қылмыстық жауапкершілікке тартылған болып шықты. Қорғаушы Әлеухановты тергеу аяқталғанша кепілдікпен жіберуді сұрады. Бірақ сот бұл өтінішті қанағаттандырмады.

«Қылмыстық кодекстің 287 бабы 3 бөлмінде көрсетілген қылмысты жасағаны туралы күдік келтірілген Дәурен Әлеухановты екі ай қамауға санкция берілсін. 33/02 Әлеуханов ЛА155/1 түзету мекемесінде қамауда ұсталсын»,-деді судья  Әділ Бакин.

Ал екінші күдікті Мәрлен Шалабаев болса сот залында мүлдем төбе көрсеткен жоқ. 1969 жылы туған ол да Оңтүстік Қазақстан облысының тумасы.

Алматылықтардың зәресін қашырған арнайы операция 13 қараша күні болған-ды. Қаланың қақ ортасында оқ атты деген күдікпен екі азамат ұсталды. Олардың көлігінен автомат, оқ-дәрі, пышақ және оқ өткізбейтін кеудеше табылған. Кейіннен полиция атыс туралы ақпаратты теріске шығарған болатын.

Оқи отырыңыз:

Дастан Оразбеков жарын перзентханадан салтанатпен шығарып алды (фото, видео)

30 жасқа толған Сиви Махмуди дүркіретіп той жасады (фото, видео)

Майғазиевтің анасы ұяттан жұрдай болған “Қалаулым” қатысушыларына тоқтау салуды өтінген

Айсәуле Бақытбек: Былтыр отбасым да, жеке өмірім де ойран болды

Дастан Оразбеков ұлына Түркия президентінің есімін берді (видео)

 

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
13.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар