Көкшетауда атышулы ішкіш келіншек ақыры аналық құқығынан айырылды

Сәрсенбі, 18 Қазан , 2017 21:19

Көкшетауда төрт баласына дұрыс қарамаған әйелді сот аналық құқығынан айырды. 31 жастағы Валерия Хулхачинова оларды некесіз туыпты,-деп жазды КТК арнасы.

Үнемі аузы арақтан құрғамай, жатақханадағы жалғыз  бөлмесін жын-ойнаққа айналдырған ол балаларын бағып-қақпаған.

Сотта 13 жастағы үлкен қызы анасын қимай жылап отырды. Бірақ санасын арақ улаған келіншектің бұған беті бүлк еткен жоқ. Ал балаларының ең кішісі 1 жарым жаста.

Оның балалары тіпті көше кезіп қаңғырып кеткен. Жазда 7 жастағы ұл мен 9 жастағы қыздың қала сыртындағы гараждардың жанында далада түнеп жүргенін көрген жұрт жағасын ұстаған болатын.

«Ешқандай да ойнап жүрген жоқ.Мен таңертең келгенде олар осы жерде ұйықтап жатты. Қыз бала анау жаман төсекте, ұл балалар арбасында жатты»,-дейді Көкшетау қаласының тұрғыны  Сергей Тенев.

Екі баланың далада ұйықтап, қоқыстан нан теріп, тамақтанып жүргенін көрген тұрғындардың бірі оны үйіне ертіп апарған. Олардың осы маңдағы  жатақханалардың бірінде тұратыны анықталды. Бірақ сол кезде аналары олардың оралғанына аса қуана қойған жоқ.

4 баланы да Валерия некесіз туған. Ал жатақханадағы мына бөлмені жын-ойнаққа айналдырған дейді полицейлер. 31 жастағы әйел бірнеше рет әкімшілік жазаға тартылғаны былай тұрсын, тіпті  бұған дейін ұрлық жасап істі болған екен. Құзырлы орындар балалардың мүлдем күтімсіз, тәрбиесіз күйін көріп, шешесін аналық құқығынан айыру қажет деп тапқан. Сот оны мақұлдады.

«Сот кәмелетке жасы толмаған 4 баланың анасы Хулхачинованы аналық құқығынан айырды. Ол енді өзінің табысының екіден бір бөлігін алимент ретінде өтейтін болады. Сот үкімі 30 жұмыс күнінен кейін күшіне енеді»,-дейді судья Бақытжан Жарылғасов.

Сотқа Валерияның 13 жасар қызы қатысты. Есейіп қалған жеткіншек анасын қимай жылап отырды. Бірақ бұған шешесінің беті бүлк еткен жоқ.

Заң бойынша жарты жылдан соң жағдайын түзеп, маскүнемдіктен арылса, сондай-ақ, балаларды баға алатындай жағдайға жетсе, бұл әйелдің перзенттерін сот арқылы  қайтарып алуына болады. Қазір  3 бала бейімдеу орталығында, ал салмағы 5 келі ғана болатын кішкентай Анжелика 2 айдан бері балалар ауруханасында жатыр.

Оқи отырыңыз:

Қырғызстандық подполковник Қазақстан шекарасында есірткімен ұсталды

Сағадиев: Мұғалімдер мен балабақша тәрбиешілеріне жеңілдіктер беруді ұсынамын

Астанада баланы педофилден арашалап қалған құрылысшылар марапатталды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
22.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар