Керменбаев тағы ғашық болып қалғанын жасырмады
Нұржан Керменбаев басқа қызға ғашық болды. Әрине, шынайы өмірде емес, тек жаңа бейнебаянның сюжетінде. Әнші махаббат туралы бейнебаян түсіріп жатыр.
Бұл туралы “Гәкку” арнасы хабарлайды.
“Бейнебаянда біз шынайы, таза, пәк махаббат туралы айтамыз. Ғашық жандардың арасында пайда болатын мыңдаған сұрақ туралы баяндаймыз. Жүректі қарып өтетіндей туынды боларына сенімдімін”, – деп сендірді Нұржан Керменбаев.
Бастапқыда Нұржан отбасылы жан екенін айтып, ғашық жігіттің рөлін сомдаудан бас тартқан. Десе де, әнші режиссердің өзін жақсылап көндіргенін айтады.
“Режиссер басты рөлді сомдағанымды қалап, мені ұзақ уақыт бойы көндірді. Біз актрисаны тауып қойған болатынбыз. Өзім бейнебаянға түскім келген жоқ. Десе де, режиссер мені райымнан қайтарды. Бейнебаяндағы ғашық жігіттің рөлін өзім сомдаймын”, – дейді Керменбаев.
Мұнымен қатар, әнші жуырда “Қара бала” атты ән жаздырған екен. Ол қазақ эстардасында бұл лақап атты иемденуге ешкімнің құқығы жоқ екенін айтады.
Жіберіп алмаңыз:
Нұржан Керменбаевтың кезекті бейнебаянына сіз де түсе аласыз