Қазақстандық жұлдыздар аң терісін таңдайды: күздің 12 үздік образы (фото)
Қазақстандық жұлдыздардың киіну стилі бір-біріне ұқсамайды. Бірі классиканы таңдаса, енді екіншілері кэжуал мен көше стилін құптайды. Десе де, оларды байланыстыратын кей киім бар. Мысалы, аң терісі.
Stan.kz назарларыңызға күздің ең үздік 12 образын ұсынады.
Қазақ эстрадасында ерекше талғамымен есте қалатын жандардың бірі – Лидо. Ол жарасымды киімдер таңдай біледі әрі таңдаған киімін жарнамалай біледі. Мұның дәлелі ретінде инстаграм парақшасындағы суреттерді келтіруге болады. Парақшасындағы 2 500 суреттің барлығы кәсіби фотоаппаратқа түсірілген. Суреттегі киімдердің қай брендке тиесілі екені де жазылған. Лидоның әншіліктен бөлек сәнгерлік қырының бар екенін айта кету керек. Әнші бос уақытында киім дизайнін құрастырады.
Біраз уақыт бұрын Баян Есентаева ешуақытта орамал тағып, тұмшаланбайтынын айтқан болатын. Десе де, продюсердің бұл ойы өзгерген сыңайлы. Себебі, оның қазіргі киіну стилі бұрынғысынан өзгеше. Яғни образдары стильді орамалмен толықтырылған.
Осы уақытқа дейін Ерке Есмахан кей киімін тастамай кигені үшін жұрттан сын естіген-ді. Десе де, әнші желідегілерге қалаған киімін, қалаған уақытында киетінін айтып жауап қайтарған-ды. Ерке Есмаханның гардеробынан аң терісінен жасалған кардигандарды немесе жылы жемпірлерді жиі байқауға болады.
Роза Әлқожаның өзіне тиесілі “Мен сыйға тартқан орамал” атты дүкені бар. Аталған дүкенде тек бас киім мен орамал сатады. Әншінің өзі ара-тұра дүкенінің киімдерін жарнамалап тұрады. Бұл жолы әнші әдемі тонын көрсетті.
Желі қолданушылары Аша Матайды бірнеше күннен бері жоғалтып алды. Көпшілік оны ауруханада жатыр деп ойлаған екен. Арасында босанып қалды деп болжағандар да болды. Алайда Ашаға бар болғаны суық тиіп қалған көрінеді. Осыған орай, ол жылы киініп, жолдасымен таза ауада серуендеуді жөн көріпті. Үстіне қалың тон кимесе де, аң терісімен безендірілген пенжек киіп алғанын байқауға болады.
Қарақат Әбілдина әдеттегідей ұстамды образдарды ұнатады. Естеріңізде болса, ол қазақстандық қыз-келіншектерге үнемі орамал тағып жүруді ұсынған болатын. Бұл ұсынысты бірі құптаса, енді бірі қарсы шығып жатты. Десе де, әншінің өзі күнделікті образын түрлі орамалмен толықтырғанды ұнатады. Аң терісінен жасалған тонын да орамалмен толықтыруды жөн көрген екен.
Декреттік демалысқалы шыққалы Мөлдір Әуелбекова тыңдармандарына бұрынғысынан бетер жақындай түсті. Ол әлеуметтік желі арқылы түрлі жаңалығын бөлісіп отырады. Бұл жолы аң терісінен жасалған пенжегін қай қаладан, қай дүкеннен алғанын айтып берді. Тіпті оны киіп суретке түсіп, артынша тыңдармандарымен бөлісті.
Көп адамға ұқсай бермейтін өзіндік стильге ие жандардың қатарында Әсел Сәдуақасова да бар. Ол әйел адамды нәзік етіп көрсететін киімдерді таңдауға тырысады. Аң терісінен жасалған киімдерді үнемі кимейді. Десе де, ара-тұра образдарын олармен толықтырып тұрғанды ұнатады.
Әнші Әдемінің 10 жыл бұрынғы келбеті мен қазіргі келбетін салыстыруға болмайды. Себебі, әнші қатты өзгерген. Мұны бір кездері әріптесі Мақпал Исабекова да айтып өткен-ді. Әдемі күнделікті тұрмыста аң терісінен жасалған пенжек кигенді жақсы көреді.
Жәния Джуринская желідегі парақшасы арқылы киім дүкендеріне жарнама жасап отырады. Күздің бастапқы айларында актриса қара тонын көрсетіп мақтанған-ды. Десе де, актриса күн сайын киіну мәнерін өзгертіп отырады. Оның бір киімді бірнеше рет қайталап кигенін де байқау да қиын.
Мақпал Исабекова сырт келбетіне ғана емес, киіну стиліне де үнемі өзгеріс енгізіп отырады. Мұнымен қатар, үнемі киімдер жарнамасына шақырту алады. Актриса жартылай жалаңаш суреттерімен жұртты шулатқанды ұнатады. Оның тіпті күздік киімі де ерекше болып шықты.
Етегін жауып, басына орамал таққанды жөн көретін жұлдыздардың қатарында Мақпал Жүнісова да бар. Әнші стилін сирек өзгертеді әрі үнемі аң терісінен тігілген тондар киіп жүреді.
Жіберіп алмаңыз:
Шампан және сүйісулер: Айсәуле Бақытбек түнгі клубтарда қалай көңіл көтереді? (видео)
Майғазиев: Алғаш көргенде Мәдина менімен амандаспай қоя ма деп қорықтым
Қызы Баян Мақсатқызына еліктірерліктей суретке түсуге көмектесті
Кімнің қалыңдық көйлегі әдемірек? Қазақстандық жұлдыздардың той көйлектері (фото)