Қазақстандық оқушы қыз шахматтан әлем чемпионы атанды
Қазақстанның екі спортшы қызы Әсел Серікбай мен Назерке Нұрғали шахматтан өткен әлем чемпионатынан алтын және күміс жүлдемен оралды.
Бұл туралы Sputnik Қазақстан хабарлайды.
Оқушылар арасындағы шахматтан әлем чемпионаты Румынияның Яссы қаласында өтті. Оған әлемнің 45 елінен келген 570 спортшы қатысқан, олардың арасында 33 қазақстандық бар.
Тоғыз турдың қорытындысы бойынша 15 жастағы Әсел Серікбай 8,5 ұпай жинап бірінші орынды иеленсе, 13 жастағы Назерке Нұрғали 7,5 ұпаймен күміс жүлдегер атанды.
“Еңбексіз жетістікке жету мүмкін емес. Спортшы қыздарымыздың жеңісі — еңбекқорлық пен патриотизмнің, күш-жігердің тамаша үлгісі. Әсел, Назерке, сендердің осы жеңістерің мыңдаған ұл-қыздарымыздың шахмат ойынына деген қызығушылығын оятады деп сенемін”, — деп Қызылорда облысының әкімі Қырымбек Көшербаев қыздарды құттықтады.
Оқи отырыңыз:
Спорттан шеттетілген Манеза медицина орталығын ашты
Төрешінің шешімімен келіспеген бапкер үстіндегі жейдесін жыртып тастады
Абылайхан Жүсіпов финалда Рио Олимпиадасының жүлдегерінен ұтылды