Қазақстандық қыздардың арманына айналған Артур Төлеповтің жүрегін жаулаған ару кім (фото)
Елімізде танымал сүрбойдақтардың саны бірге кеміді! Иә, дүйім жұрттың алдында сүйіктісіне жүрегін ұсынған актер Артур Төлепов күні кеше бойдақтық өмірімен қош айтысты, деп хабарлайды Stan.kz ақпараттық агенттігі.
Жұрт Төлеповті “Жаужүрек мың бала” фильміндегі Ілияс кейіпкері арқылы таниды. Дәл осы фильмнен кейін Артур өзін әншілік, жүргізушілік қырынан, қысқасы жан-жақты таныта бастады. Ал талай аруға арман болған Артурдың қалыңдығы жайлы не білеміз?
Артурдың келіншегінің есімі – Мәдина. Сымбатты актердің жүрегін жаулаған қыз – Қарағандының аруы. Қос ғашық Алматыдағы мейрамханалардың бірінде танысқан.
“Жүрегімнің иесін таптым. Онымен мейрамханалардың бірінде таныстым. Мәдина сол жерде жұмыс істейтін”, – деген болатын Артур бір сұхбатында.
Артур бұған дейін болашақ жарының әлеуметтік не тұрмыстық жағдайына қарамайтынын айтқан болатын. Ең бастысы, ибалы да тәрбиелі әрі ата-анамды сыйлайтын қыз болса болғаны, – деп ағынан жарылған еді актер. Мінеки, Артур арманындағы аруын кездестірді.
Белгілі болғандай, Мәдина Алматы технологиялық университетінің 2017 жылғы түлегі. Артурдың жүрегін жаулаған арудың өнер әлеміне еш қатысы жоқ. Айта кететін жайт, Мәдина тұрмысқа шыққаннан кейін Артурдың тегіне өткен.
Еске сала кетейік, күні кеше Мәдинаның ұзату тойы дүркіреп өткен болатын.
Stan.kz сайтын Telegram арқылы оқыңыз. Арнамызға жазылыңыз.