Қазақстандық дизайнерлер Mercedes-Benz Fashion Week Russia-ға коллекцияларын ұсынды (фото)
Мәскеуде «Манеж» орталық көрме залында 11-16 наурыз аралығында өтіп жатқан Mercedes-Benz Fashion Week Russia сән апталығы аясында қазақстандық дизайнерлердің киім үлгісі көрсетілді.
Бұл туралы ҚазАқпарат хабарлайды.
Қонақтар назарына Ресей, Грузия, Украина және т.б. елдерден, сондай-ақ қазақстандық Alex Chzhen», «Chaude by Khafiz-Khan», «Tamara Lamanukaeva» және «Samidel» брендтерінің жетекшілері – 50-ден астам дизайнерлер коллекцияларын ұсынды.
Прет-а-порте сән апталығының Орталық Азиядағы ең ірі өкілі – Kazakhstan Fashion Week дизайнерлері мен ұйымдастырушылары көрсетілімге алғаш рет қатысты. Шарада қазақстандық дизайнерлерге жоғары баға берілді.
«Қазақстандық дизайнердің желісіне таңғалдым. Коллекцияға ерекше талғаммен қараған», – деген ойымен бөлісті көрсетілім қонағы Наталья Кирилова.
«Қазақстандық дизайнерлердің жетістікке жететініне сенімдімін. Олардың коллекцияларының ерекшелігінен, тартымдылығынан-ақ мұны байқауға болады», – деп атап өтті қонақтардың бірі Жанна Маркова.