Соңғы жаңалықтар
Соңғы жаңалықтар

Жедел жәрдем қызметі барлық шақыртуға бармайтын болды

Еліміздегі жедел жәрдем қызметіне біршма өзгерістер енгізілді, деп хабарлайды ҚазАқпарат.

20141108070350

ҚР Денсаулық сақтау министрі Елжан Біртанов жедел медициналық көмек көрсету ережелері туралы бұйрыққа қол қойды. Ереже жедел жәрдем қызметін жеңілдету мақсатында енгізілді.

«Біздің талдауымызға сәйкес, жедел жәрдем созылмалы ауры бар науқастарға қызмет көрсетеміз деп, ажал аузында жатқан адамдарды құтқаруға үлгермей жатады. Сол себепті жедел жәрдемге түскен қоңырауларды нақты төрт топқа бөлу ұйғарылды. Алғашқы үшеуі шұғыл әрекетті көздейді. Ондай қоңыраулар диспетчерлік қызметте қала береді. Барлығына жедел медициналық көмек қызмет көрсетеді. Ал төртінші топқа созылмалы ауруы бар науқастар жатады. Бұндай қоңыраулар емханалардың жанындағы жедел жәрдемге жіберілетін болады. Олар да күні-түні жұмыс істейді. Осылайша, жедел медициналық қызметтің жұмысын барынша жеделдету қарастырылған», – деді ҚР Денсаулық сақтау вице-министрі ЛяззатАқтаева бүгін Үкіметте өткен баспасөз мәслихатында.

Оның айтуынша, жедел жәрдемде жұмыс істейтін дәрігерлер мен фельдшерлердің кәсіби дайындығына нақты талаптар қойылады. Аталған мәселе де министрдің бұйрығында көрсетілген. «Бұдан бөлек, аудандық және облыстық жедел жәрдем қызметтері бір жүйеге қосылып жатыр. Қазіргі кезде машиналарды GPS-навигаторлармен жабдықтау жұмысы аяқталуға жақын. Осының арқасында жедел жәрдем көліктерінің жылдамдығын бақылауға мүмкіндік бар», – деп атап көрсетті вице-министр.

Тағы да оқыңыз:

Ақтөбеде банк қызметкері 12 миллион теңгені өзіне аударып алған

Денсаулық сақтау вице-министрі Түркиядан Қазақстанға вирус келді деген ақпаратқа жауап берді

Ішімдік сататын дүкенді аралап жүрген имамдар елді шошытты

Талқылау