Ішімдік сататын дүкенді аралап жүрген имамдар елді шошытты
Қырғызстанның Баткен облысы Кадамжай ауданына қарасты Марказ және Майдан айыл окмоту (ауыл үкіметі) имамдары ішімдік сатылатын дүкендерді аралай бастады.
Дін өкілдері спирттік ішімдіктер сатпауға шақырып жүр. Бұл туралы марказ ауылының имамы Ибрахим Айткулов хабарлады.
«Имамдар ауылдағы барлық дүкендерді аралап шықты. Олар сатушыларға дінде тыйым салынған спирттік ішімдіктердің зиянын түсіндіріп, оны сатудан бас тартуға шақырды. Дүкендегілер алкоголь сатпауға уәде берді», – деді ол.
Айткуловтың айтуынша, имамдар мұндай акциясын жалғастыруды көздеп отыр. Түсіндіру жұмыстарынан соң көптеген дүкендер спирттік ішімдікті сатуды доғарды, деп жазды Abai.kz басылымы.
Бұған дейін Қырғызстанның бірқатар ауылдарында алкоголь өнімдерін сатуға тыйым салынған еді.
Оқи отырыңыз:
Оқуға түсе алмаған 21 мыңға жуық мектеп бітірушіні 321 колледж қабылдауға дайын
SCAT жолаушылары апатты жағдайға байланысты ауа маскаларын таққан (видео)
Қостанайда ер адам жолдастарымен бірігіп бұрынғы әйелін өлтірген