Қазақстанда тіркеуге тұрмағандарға 1 ақпаннан бастап айыппұл салынады

Сәрсенбі, 4 Қаңтар , 2017 21:44

Елімізде бүгіннен бастап «терроризмге қарсы» заңға енген өзгеріс күшіне енді. Яғни, бұдан былай өзге аудан мен қалаларға қонаққа немесе жұмысқа бару қиындай түспек. Өйткені, ол жақта бір айдан артық болсаңыз, міндетті түрде уақытша тіркеуге тұруыңыз қажет, – деп хабарлайды КТК арнасы.

022

Заңға бағынбағандар жаппай айыппұл арқалайды. Қызу пікір талас тудырған ережені бүгін көші қон полициясы түсіндіріп берді. Елімізде облыс орталықтары мен Алматы, Астана секілді ірі қалаларда тіркеусіз жүргендер көп. Көбі ауылдан жұмыс іздеп келгендер мен студенттер. Басым бөлігі кісі есігінде күнелтіп, пәтер жалдап жүр. Енді олар бір ай ішінде уақытша тіркеуге тұруы тиіс. Онсыз емін-еркін жүріп-тұра алмайды.

“Егер азаматтар өзге аудан немесе қалада бір айдан артық болса, тоқтаған қонақ үйде немесе, жалдаған пәтерінде тіркеуге тұруы қажет. Үйін жалға беретіндер де әрбір клиентін тіркеуге алуға заңмен міндеттеліп отыр. Тіркеуге алу процесі жеңілдетілген. Бұрыңғыдай екі күн емес, небары 10-15 минут уақыт кетеді”, – дейді ҚР ІІМ Көші-қон полициясы басқарма басшысының орынбасары Галина Сәрсенова.

Қазақстанда бұған дейін өзге қалада тіркеусіз жүруге үш ай уақыт берілетін. Енді бұл мерзім бір айға қысқартылып отыр. Егер осы уақытша тіркеуке тұрмасаңыз, баспана қожайыны 20 мың, ал пәтерді жалдаған адам, 16 мың теңгеден аса айыппұл арқалайды. Заңға бағынбай жасырынып жүргендерді полицейлер үй-үйді аралап жүріп ұстамақшы. Сондықтан халыққа қызмет көрсету орталықтарында қазірден тіркеуге тұруға асығып жатқандар көп. Айтпақшы, қалада уақытша тіркеуге тұру үшін ауылдағы үйден тіркеуден шығудың қажеті жоқ. Тек, жаңа ереже бәрінің бірдей көңілінен шықпады.

“Мәселен, пәтер қожайыны клиентін менің қонағым немесе туысым дей салады. Оның кім екенін полицей қайдан білсін. Кейін көшедегі адамдардан да тіркеу қағазын сұрайтын болады. Сонда тәртіп сақшыларының істейтін басқа жұмысы жоқ па? Қылмыскерді кім ұстайды?” – дейді заңгер Джохар Өтебеков.

Бұл ереже Ақтөбе мен Алматыдағы терактілерден кейін қабылданды. Өйткені, тапа-тал түсте сойқан салған содырлар жымысқы ойын жалдамалы пәтерде жатып іске асырған болатын. Сондықтан ішкі көші қонды қатаң бақылауға алған Ішкі істер министрлігінің арыны қатты. Тіпті 1-ші ақпаннан бастап тіркеуге тұрмағандарды жазалап, айыппұл сала бастамақ. Бұны естігендер жаппай тіркеуге тұруға жанталасатыны анық. Оның үстіне халыққа қызмет көрсету орталықтарының да жұмысы қызғалы тұр.


Жіберіп алмаңыз:

Ақтөбеде қолын көтеріп көлік тоқтатпақ болған жол сақшылары жазаланды

«Бір шәугім шай» немесе «күлің шашылмасын» сөздерінің мәнісі қандай

Егіз қыздар бір жігітке тұрмысқа шыққалы жатыр (фото)

Күйеуінің көңілдесі барын білген әйел 45 кг салмақ жоғалтқан (фото)

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

4
Комментариев
  • Анонимно says:

    Уйxтап түс көрген бреу ма мына заңды швғарған

  • Анонимно says:

    Қарапайым халықты қинап жібердіңдерғо. Коп адамдар ауылдан келіп үй жалдап жануясын асырап отыр. Біреудің есігін паналап жүрген жоқпыз. Жанұя асырап жүрміз. Осындай ойға қонымсыз заң шығарғаннан гөрі елге халыққа пайдалы нəрсе жасамайма. Жақсы болдығо басқа шаруа жоқтай. Мен оз басым қарсыман. Поликлиникаға қаралу үшінде тіркелеміз. Тіркелмесен ақша сұрайд қаралуға. Ал өзбектер қаламызда больницада тегін босанад

  • Анонимно says:

    дурыс бурыннан беры осындай зан кабылдау керек еды.

  • Анонимно says:

    Онда EXPO 2017 келген 5млн адам прописка турама

Leave a Reply

Your email address will not be published.

Орташа айырбас бағамы
20.02.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар