Қарттар үйінде концерт қойған Мәдина Сәдуақасова көпшіліктің жүрегін елжіретті (видео)
Алғаш рет ел аралап, гастрөлге шыққан Мәдина Сәдуақасова алғашқы ән сапарын Қазақстанның батыс өңірінен бастады. Концерт басталмас бұрын ол қарттар үйінде концерт беріп, жұртты сүйсіндірді, деп хабарлайды Stan.kz.
“Ақтау қаласындағы концертімнің алдында қарттар үйіне соғып, сол жерде кішігірім концерт қойып, үлкен кісілердің көңілдерін аулап, ақ баталарын алып қайттым. Әрине, тағдырдың жазғанына шара бар ма… Бірінің балалары өмірден ерте өтіп, ата анасы жалғыз қалды, бірінің балалары ата-анасына уақыт таба алмады. Әттең, алдымызда не күтіп тұрғанын ешбір пенде білмейді ғой. Ата -аналарымызды қадірлейік, құрметтейік, ағайын”, – деп бөлісті Мәдина желідегі парақшасында.
Желідегілер әншінің қарапайымдылығына тәнті болғандарын жеткізді.
“Ризамын, өнерің өрге жүзсін”, “Алтын қыз”, “Рақмет, қазағымның ерке қызы Мәдина”, “Дұрыс жасадыңыз, алғысымыз шексіз, үлкен кісілер қуанып қалады ғой”, – деп тамсанды желі оқырмандары.
Тағы оқыңыз:
6 жасар алматылық қыз Максим Галкиннің шоуына қатысып, ресейліктерді таңдай қақтырды (фото)
“Ринголық” Батыр Байназаров “Аюмиде” өнер көрсеткен Әселді ұзатып алды (фото)