Қарағандыда батут аударылып қалды: Бір бала көз жұмып, тағы екеуі жарақаттанды (видео)
Бүгін, 25 мамырда, Қарағандыдағы орталық саябақта балалар ойнап жүрген батут желдің салдарынан аударылып қалды. Желіде оқиға кезінде түсірілген видео тарады, деп хабарлайды Stan.kz ақпарат агенттігі.
Видео кадрларынан оқиға орнында бірнеше жедел жәрдем көлігі кезекшілікте тұрғаны байқалады. Сонымен қатар адамдардың айқайлап жатқаны естіледі.
Саябақта адамдар көп болған. Роликтің жазбасында зардап шеккендердің көп екені хабарланған.
Zakon.kz порталының мәліметінше, облыстық полиция департаменті оқиғаны растаған. Салдарынан 11 жастағы бала оқиға орнында көз жұмыпты. Сондай-ақ, тағы екі бала түрлі жарақатпен ауруханаға жеткізілді.
Аталған факті бойынша ҚР ҚК 306-бабына (Қауіпсіздік талаптарына сәйкес келмейтін, салдарынан адам өліміне алып келген қызмет көрсету) сәйкес қылмыстық іс қозғалды. Тиісті сараптамалар тағайындалды.
Айта кетсек, бұған дейін Маңғыстау облысында да батутты жел ұшырып әкеткенін хабарлаған едік.
Өмірі ауруханаға бармаған 100 жастағы ата ұзақ өмір сүрудің құпиясын айтты
Ұзақ өмір сүрудің құпиясы қымбат дәрі-дәрмек пен ерекше күтімде емес
"Азық-түлік екі есе арзан, вирус жоқ": Қазақстандық жігіт отбасын алып табысы төмен Африка аралына көшіп кеткен
Сұлтан: “Арал президенті көршім, ол қарапайым, күзетшісіз жүреді”