Кәмшат Жолдыбаеваның анасы қызын тұрмысқа беруді армандап жүр
Оң босағада отырып қалған танымал бикештердің бірі – Кәмшат Жолдыбаева. Бүгінде оның бар ойлағаны – өнер. Ал анасы қызының тезірек теңін тапқанын қалайды.
Бұл туралы “Астана” арнасының “Ел аузында” бағдарламасына сілтеме жасап Stan.kz хабарлайды.
“Ата-ананың тілегі, арманы, мақсаты – өнері бір жағынан серіктес болса, қасына жүрегін жүрегімен еститін, тыңдайтын, қолдайтын, сыйлайтын, өзіне лайық жан табылса деймін. Әрине, ол менің үлкен тілегім”, – дейді Гүлнар Жолдыбаева.
Алайда Кәмшаттың өзі де, сіңлісі Алтынай да әзірге тұрмыс құруға асықпайды. Апалы-сіңлілі бикештердің бар ойы – өнерде, сахналық образда. Ал Мирбек Атабековпен түсірген соңғы клипінен кейін біраз сөздің астында қалса да, Кәмшат елдің сөзіне мән бермейді. Себебі:
“Әртүрлі пікірлерге алаңдау – уақытыңды босқа алады, күш-қуатыңды да босқа аласың. Сондықтан ондай нәрселерден аулақпын. Бірақ бір ғана қынжылатын нәрсем – жақындарымның, ата-анамның сол пікірлерге көңіл аударуы”, – дейді Кәмшат.
Қазақстандық жұлдыздардың өмірі жайлы t.me/kzshow арнамыздан оқыңыздар.