Итті құдай көретін мяо халқы оған ерекше құрмет көрсетті
Қытайдың Цзяобан ауылының тұрғындары итке бас киім мен жейде кигізіп, көтеріп алып жүрді.
Оқиға өткен демалыс күндері болды. Мяо халқының өкілдері жыл сайын осындай дәстүрлі шара өткізеді. Аңыз бойынша осы жерде тұрған ежелгі адамдар шөлден қаза болар кезде оларға ит жол көрсетіп, бұлақ басына апарған.
Содан бері олар мұны құдайдың құдіретіне балап, итке сыйынып келеді.
Жыл сайын ауылда тұрғындар итке киім кигізіп, көтеріп алып жүреді. Шеруді шаман бастайды. Қалғандары ән айтып, дауылпаз соғады. Ауыл тұрғындары көшеге шығып, жан-жануарларға алғыс айтып, келер жылғы астықтың бітік шығуын сұрап жалбарынады.
Мяо халқы 11 млн адам. Олар Қытайдың оңтүстігі мен Вьетнамда, Лаоста, Таиланд пен Мьанмада тұрады.
Тағы да оқыңыз:
Қытайлық әйел көшеде босанып алып, әрі қарай жұмыстарымен кете барды (видео)
Полицейлерден қашып мұхитта жүзген жігіт акулаға тап болды (видео)