Головкин жартылай ауыр салмақтағы Сергей Ковалевті бір ұрып нокаутқа түсірді (видео)
Қазақстандық кәсіпқой боксшы Геннадий Головкин жаттығу кезінде жартылай ауыр салмақта сынға түсіп жүрген ресейлік Сергей Ковалевті нокаутқа жіберді. Мұны британиялық боксшы Джонни Нельсон Sky Sports News HQ арнасына берген сұхбатында айтты.
Бұл туралы BNews.kz хабарлайды.
6 қыркүйек күні Лондон орталығындағы Ковент-Гарден алаңында өткен Головкиннің ашық жаттығуы кезінде Джонни Нельсон ешкімге айтылмаған бір сырды жайып салды.
«Мен тренажер залында болған бір сұмдықты естідім. Мұны айтып, Брукты үркіткім келмеп еді. Головкин жаттығу кезінде Сергей Ковалевті нокаутқа түсіріпті. Алайда, мұны әзірге Келл естіген жоқ. Міне, Головкиннің соққысы осындай. Ковалев – жартылай ауыр салмақтағы боксшы, ал Головкин оны елеген де жоқ», – дейді Нельсон.
Естеріңізге саламыз, Головкин мен Брук арасындағы жекпе-жек 10 қыркүйек күні Лондондағы 20 мың жанкүйер сыятын О2 аренада өтеді. «Қазақстан» ұлттық арнасы бокс кешін тікелей эфирде көрсетеді.
Жіберіп алмаңыз:
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан