Футбол: Қазақстан мен Әзербайжан ұлттық құрамалары наурызда Анталияда кездеседі
Қазақстан футбол федерациясы мен Әзербайжан футбол қауымдастығы екі елдің ұлттық құрамалары арасында жолдастық матч өткізу жөнінде келісімге келді.
Ойын 26 наурыз күні Түркияның Анталия қаласында өтеді. Бұл туралы Қазақстан футбол федерациясының баспасөз қызметінен хабарлады.
Айта кету керек, Қазақстан мен Әзербайжан құрамалары Еуропа Чемпионатының іріктеу турнирі аясында 4 ойын өткізіп, 3 рет жолдастық матчта кездескен болатын. Екі ойында Қазақстан футболшылары жеңіске жетсе, екі ойында Әзірбайжан құрамасы басым түсті. Ал, үш ойын тең аяқталды. Екі елдің құрамасы арасындағы соңғы матч 2011 жылы өткен еді.
Талқылау