Фотограф екі аталық арыстанның жақындасып жатқан сәтін түсіріп алды (фото)

Николь Камбрэ есімді фотограф екі аталық арыстанның жақындасуға талпынып жатқандарын суретке түсіріп алды.

Ғалымдар біраздан бері гомосексуалды жануарлар  мәселесін зерттеумен айналысып келеді. 2012 жылы Йель ғалымдары зерттеу жұмысын жариялаған болатын. Онда: «хайуандар арасындағы гомосексуалдық жиі ұшырасады және бүкіл әлемдегі популяцияның 10%-ын құрайды», – делінген.

Гомосексуалдық жираф, жертесер, үй мысығы, тышқан, шимпанзе, макака, орангутанг, қаз және аққу сынды аң-құстарда, тіпті, шыбындар мен құмырсқаларда кездеседі. Жануарлар әлемінде аталығының гомосексуалдық танытуы – өз басымдығын дәлелдеу үшін керек деген де пікір бар.