«Билерiмiздiң iстерiн бәрiмiз бiлемiз. Төле би, Қазыбек би, Әйтеке бидiң, бер жағында Бұқар жыраудың айтқандарын оқып отырыңыздар. Олар бiр ауыз сөзбен екi жақты жақындастырып, дауларды шештi. Сөзге тоқтаған қазақ келiсiмге келiп, айыппұлын төледi. Негiзiне келетiн болсақ, содан берi онша ештеңе өзгерген жоқ. Бастысы – әдiлдiк. «Әдiл биде ағайын жоқ» деген сөз бар. Қазақпыз ғой, ағайынсыз, жұрағатсыз, жекжатсыз болмаймыз. Дегенмен, елдi тәртiпке келтiру керек», – дейдi Мемлекет басшысы.

Елбасының айтуынша, мемлекет соттарды қолдап, судьяларды қорғауы керек, ал олар өз шаруасын жақсылап атқаруы қажет.

Айта кетейiк, Астанада республика судьяларының VII съезі өтіп жатыр. Маңызды жиынға судьялар корпусы, Парламент депутаттары, орталық мемлекеттік органдардың басшылары, заңгерлер қауымдастығының, халықаралық ұйымдардың, үкіметтік емес ұйымдардың өкілдері мен әлемнің 10-нан астам елiнен келген сарапшылар – барлығы 600 делегат қатысып жатыр.

Республика судьяларының съезi 4 жылда бір рет өтеді. Тәуелсіздік жылдарында алты съезд (алғашқысы 1996 жылы) өтті. Маңызды жиын сот жүйесінің дамуы үшін айрықша стратегиялық мәнге ие. Олардың әрбірінде соттар дамуының қорытындысы шығарылып, өзекті мәселелер төңірегінде шешімдер қабылданады.

Жіберіп алмаңыз:

Назарбаев: Халық шағымын сотқа айта ма әлде президентке хат жазып жүре бере ме?

Назарбаев: “100 қадамды” шайқақтатуға жол бермеймін

Құранды сүйген Беларусия президенті сынның астында қалды

Назарбаев: “100 қадамды” шайқақтатуға жол бермеймін

Талқылау