-Алматы – үлкен қала, оны басқару күрделі міндет жүктейді және бұл осында болып жатқан үдерістерді терең талдауды қажет етеді. Инвестиция тарту, мемлекет-жекеменшік серіктестігін дамыту осы кезеңде жұмыстың негізгі бағыттарының бірі болуға тиіс, – деді Қазақстан Президенті.

Елбасы сондай-ақ көші-қон ауқымы өсуін ескере отырып, қаладағы құқықтық тәртіпті қамтамасыз ету ісіне айрықша көңіл бөлуді тапсырды.

-Келесі жылғы мемлекеттік инвестицияны 70 миллиард теңгеге азайтып, экономиканы қайта құрылымдалды. Жеке бизнестің жұмысын 75 миллиард теңгеге жандандыру қарастырылуда. Бүгінде 14 балабақшаның, 3 мектептің, бір емхананың құрылысына байланысты меморандумдарға қол қойылды, – деді Алматы әкімі Б.Байбек.

Әкім сондай-ақ өнеркәсіпті дамыту, қаланың 2017 жылғы Универсиадаға дайындығы мәселелеріне егжей-тегжейлі тоқталды. Алатау ауданындағы индустриялық паркте 320 миллиард теңгеге 41 жобаны мақұлданған. Және ЭКСПО-2017 халықаралық көрмесінің құрылысындағы қазақстандық қамту үлесін қамтамасыз ету аясында Алматы компанияларының 10 миллиард теңге көлеміндегі қаражатпен қатысатыны туралы меморандумға қол қойылған.

Талқылау