Ел алдында пәктігін сатқысы келген қыз рөл ойнағанын жайып салды (видео) Айтуына қарағанда, бағдарлама редакторлары оны Instagram арқылы тауып шақырған. Алғашқыда қыздық перде жайлы пікірін білдіру үшін дегенімен, кейіннен басқаша ұсыныс тастаған. Алматыда оқитын қызды Астанаға алдыртып, танымалдылық үшін жалған хабар беруін сұраған.

"Келістім. Бірақ мынадай рөл аламын деп ойлаған жоқпын. Келесі күні хабарласып: "Сіз қыздығымды сатамын деп шығасыз", - деді. - Ондай да бар ма? - деп күлдім. - Иә, халықты шулату керек қой. Осылай айтсаңыз, ел дүрлігеді, - деді", - дейді Айнұр.

Бұдан кейін Айнұр әлеуметтік желідегі парақшасында хабарландыру қалдырған. Барынша шынайы етіп көрсету үшін жекесіне келген хаттардың да көшірмесін редакторларға жіберген.

"Бағдарламаға барған кезде "осылай айтасың" деп үйретті. Соңына дейін "сатамын" деп отырасың, "сатпаймын деп шықпа" деді.

Маған негізі мұның бәрін айтпасын, ешкім білмесін деген. Енді маған бірдеңе бола ма деп қорқып тұрмын. Олар заң жүзінде қудалаймыз деген. "Өз ойым" бағдарламасының өтірік екенін айтпауың керек, деді. Бірақ менің сабағыма, өміріме кесірі тиіп отыр", - дейді Айнұр Жәнібекова.

Абай атындағы Қазақ ұлттық педагогикалық университетінде білім алатын Айнұр осы бағдарламадан кейін оқудан шығып қалған. Енді бойжеткен жасаған ісіне өкініп отыр.

Ал Айнұрдың шындығын әшкере еткен әзілкеш Нұрболхан оны кешіруді сұрап отыр.

Посмотреть эту публикацию в Instagram

⛔️Разоблачение Өз Ойым-3!⛔️ Құрметтi Отандастар, мен қателескен екенмiн. Кешiрiм сұраймын! Өз Ойым, мен ойлағандай емес екен. Мен жай бергi жағын ғана көрiп жүр екенмiн. Айтпағым мынау: Кешегi бағдарламада кейiпкер болған қыз, Өз Ойымның арғы жағын айтып бердi. Ол қыз жайлы қысқаша ақпарат. АГУ университетiнiң студентi. Есiмi - Айнұр. Қазақ қызы қалайша арын аукционға салатындай дәрежеге түстi деп, ол қыздың ата-анасымен тiлдесу үшiн, немесе өзiмен сөйлесу үшiн телефон номерiн iздестердiм. Таптым. Сөйлестiм. Сондағы бар шындық видеода.(Толық көрiңiз) Қаршадай қыздың аңқаулығын пайдаланып, Ләйлә Сұлтанқызының атын араға салып, қызыл-жасыл дүниеге қызықтырып, осы рольдi ойнап берсең қызық қылып, көрсетсең өз-өзiңдi бұзық қылып, жұрт қарайды көздерiн сүзiп тұрып, подписщик көбейедi деп құнықтырып, басқа да уәделердi тiзiп тұрып алдап соққан ғой шiркiндi, асылында. Мен, осы жағдайдан кейiн "Өз Ойым" бағдарламасын "MARVEL” компаниясына ұқсаттым. "MARVEL” қоғамға: Халк, Тор, Өрмекшi адам, Темiр адам, Супермэн сияқты персонаждарды қолдан жасап берсе, "Өз Ойым" да дәл солай қоғамға: трансвестит, гей, жезөкше, арын сатқыш сынды персонаждарды қолдан жасап, елдiң айнасы экраннан жариялап жатыр. Өз Ойымның кейiпкерлерi өз ойын айта алмайды екен. Өз Ойым - сөз ойыны екен. Осындай кезде халқым, елiм деп еңiреп жүрген аға-әпкелердiң үнсiз қалғанын түсiнбей әлекпiн. Бiраз өнер адамдары; -бiз Ләйләмен аралас-құралас болғаннан кейiн iштей саған қосылып, қолдау берiп отырмыз" деп хабарласты. Ендi, обалы не керек, Айнұрды оқуынан шығарып жiберiптi. Ата-анасының ағайынға қарайтын бетi жоқ. Осыдан кейiн қара басқан қарындасымыз қара жердi қалай басып жүрмек. Осыған жеткiзген атың өшкiр "Өз Ойым". Құрметтi Айнұрдың туыстары, өз қыздарыңызға кешiрiммен қараңыздар. Ақ, қарасын ажыратып берiңiздер, жөнге салыңыздар. Қадiрлi, Абай атындағы АГУ университетiнiң ректоры, Тахир Оспанұлы, Айнұрдың балалығын, шалалығын кешiрiп, оқуын әрмен қарай жалғастырып, қайта қалпына келтiрiп беруiңiздi сұраймын. Сүрiнген Қазақтың бiр қызына сүйеу болыңыз! Айналайын Айнұр қарындасым, жаңылған екенсiң шекеңе тиген шығар. Хайпталам деп, айыпталып қалдың. Айтарым, арыңды сатпа, барыңды сақта! #ӨзОйымЖабылсын

Публикация от Nurbol Khan (@nurbolkhan) 9 Апр 2019 в 6:40 PDT

Естеріңізде болса, өткен аптада 19 жастағы Айнұр Жәнібекова дүйім жұрттың алдына шығып, 2 миллион теңгеге пәктігін сатқысы келетінін айтқан еді. Танымал әзілкеш Нұрболхан Шарапов осындай арсыздарды эфирден түсірмейтін бағдарламаға шүйлікті. Ол жүргізуші Ләйлә Сұлтанқызына хат жолдап, оның Қазақстанның еңбек сіңірген қайраткері деген атаққа лайықсыз екенін меңзеді. Ал "Өз ойым" продюсері бағдарламаға тек шынайы кейіпкерлер келетінін айтып, елдің айыптауына жауап берді.

Талқылау