Домбырамен терме айтқан Түсіпбаева желі қолданушыларын таңқалдырды (видео)
Қазақтың ерке әншісі Меруерт Түсіпбаеваны жұрт сылқым бикеш образында көріп үйренген. Оның домбырамен терме айтатынын ешкім күтпесе керек-ті. Әншінің желіде жариялаған видеоларына көпшілік қайран қалды, деп хабарлайды Stan.kz.
Түсіпбаева өткен аптада Ресейдің Омбы қаласында болып қайтты. Әнші Омбы қазақтарының үйінде қонақта болып, кешкі уақытта концерт берді. Концерт барысында Түсіпбаева сахнаға қазақтың қара домбырасын алып, ұлттық нақыштағы ою-өрнектермен көмкерілген сахналық киім киіп шықты. Меруерттің тыңдармандары оған сахнаға жиі домбырамен шығуға кеңес берді.
«Шыны керек сенің өнеріңе сенбейтін едім. Мына термені қазақтың қара домбырасыменен орындауың қатты қуантты. Өнерің өрге жүзсін. Домбыраң қолыңнан түспесін», «Керемет, осылай терме айтқанда даусыңыздың зор екені көрінеді, эстрадалық өлең айтқанда даусыңыз тұйық болып шығады», «Домбырамен көбірек айтыңызшы, күшті айтасыз», «Кереметсіз ғой, домбырамен бірінші рет көрдім сізді», – деп пікір білдірді желі қолданушылары.
Жіберіп алмаңыз:
Қонарова “Ninety one” тобын атақты “The Beatles” тобына теңеді
Мәдина Сәдуақасова екі көзі көрмейтін әнші қызға продюсер болмақ (видео)