Димаштың анасы қазақстандықтарды күнделікті ұлттық киім киюге шақырды
Димаш Құдайбергеновтың анасы «ұлттық киімдер күнделікті киіп жүруге жарамайды» дегендерге жауап берді.
Бұл туралы Stan.kz хабарлайды.
Күні кеше отбасы мен барша жанкүйері Димаш Құдайбергеновты Астана қаласында ұшақтан күтіп алды. Асыға күткен кездесуге әншінің анасы қазақы ою-өрнектермен безендірілген сырт киім киіп келіпті. Осы орайда, ол ұлттық киімдерді күнделікті киіп жүруге болатынын меңзеді.
«Біздің ұлттық киімдеріміз күнделікті киюге келмейді дегендерге арнайы фото» деп жазады Светлана ханым ұлымен түскен суреттің тұсына.
Желі қолданушыларының барлығы дерлік әншінің әрекетін қоштай түсті. «Сіз – алтын құрсақты анасыз», «Мен де киіп жүруге қарсы емеспін», «Димашымызға әдемілеп қазақы нақыштағы күрте тіктіріп берсе ғой. Өнерлі тігіншілердің құлақтарына алтын сырға», «Керемет! Димаш, жасасын», «Света әпке, сурет өте керемет шығыпты», «Тамаша! Ұлттық киімдеріңіз өздеріңізге үйлесіп тұр», «Қазағымның маңдайына біткен жарық жұлдызы десем, қате айтпаймын. Өнеріңмен, тәрбиеңмен бүкіл әлемді тәнті еттің. Алтын бала, саған мың алғыс» деп жазады желідегілер.
Жіберіп алмаңыз:
Димаштың Қытайда қалатыны рас па?
Димаштың қытайлық жанкүйерлері “Абай жолын” жарыса оқып жатыр