"Бұл сөздің мәні терең. Өйткені адам баласының бүкіл тыныс-тіршілігі, барша өмірі табиғатпен біте қайнасып жатыр. Қоршаған ортаның адам саулығымен, жай күйімен әсер ететіні сөзсіз. Сондықтан маңайымызды таза ұстау, қоршаған ортаны күтіп-баптау, табиғатты аялау өте маңызды. Өңірлерді көп аралап, жұртпен жиі кездесемін. Жолда көп жүремін. Кейде таңғаларлығы, кейбір пысықайлар көшеде келе жатып, бос бөтелкелерін көліктің терезесінен лақтырып, қоқыс қалдығын, текемі тұқылын еш алаңдамай лақтыра салады", – деді депутат.

Бұдан бөлек депутат қоғамда әлі де азаматтарымыздың қалдықтарды арнайы қоқыс тастайтын орындарға салу мәдениеті қалыптаспай отырғаны жасырын емес екенін айтты.

Жаңа ипотека, жаңа жол белгілері, апатты хабарлау жүйесінің іске қосылуы: 1 мамырдан бастап Қазақстанда не өзгереді

Сылақ құлап, қоқыс шашылған: Жамбыл облысында 111 миллион теңгеге салынған спорт залы қаңырап тұр

"Мысалы, пластик, әйнек және жаңа аталған полиэтилен пакеттердің шіруі мың жылға дейін созылады. Мұның жер анамызға тигізер залалы зор. Осы ретте дамыған елдердегідей тазалық мәдениетін қалыптасыратын шараларды қолға алу керек. Оның шешімі – жалпы жұртты қоршаған ортаны тазалауға, жаппай жұмылдыру, күнделікті тазалықты өмір салтымызға айналдыру қажет. Мысалы, аптаның бір күнін нақтылап айтсақ. Әр бейсенбіні "Таза бейсенбі" атты шынайы халықтық шараға айналдырсақ екен деймін. Адамдарды мәжбүрлеп емес, керісінше, өз ықыласымен туған жерге деген жанашырлықпен атсалысуына жағдай жасайық. Біз сол кезде ғана күн түн демей, ыстық-суығына қарамай, көшені тазалап жүрген ата-апаларымыздың еңбегін бағалауды үйренеміз. Ол үшін, әлеуметтік желідегі миллиондаған оқырманы бар танымал тұлғаларды, қоғам белсенділерін, ел тұрғындарын осы ортақ іске бірге атсалысуға шақырамын. Қадірлі ағайын, қашанда ұйымдасқан, ұтатын, біріккен, жеңетінін білетін ұлтпыз! Ел біздікі, жер біздікі", – деді Дәулет Мұқаев.

Талқылау