Байғали Серкебаевтың Emporio Music Fest байқауы өтті
Мәскеуде үшінші рет қатарынан өтіп жатқан Байғали Серкебаевтың Emporio Music Fest байқауында қазақстандық “А’Студио” тобы сахнаны “жарды”. Алтыншы күні жас әншілер аталған топтың ең үздік хит әндерін орындады.
Бұл туралы express-k.kz хабарлайды.
“Эмпорио” дәмханасының сахнасында бірінші болып The Jigits тобы өнер көрсетті. Олар Байғали Серкебаевпен бірігіп “Тек сен және мен” атты әнді орындады. Ал жігіттердің жерлесі Zzara “Тоқта, түн” әнін орындап, жиналған қауымды өзіне еліктіре түсті.
“Құрдастар” ансамблі “Шуақты күндер” әнін алты дауысқа бөліп, жеңіл джаз мәнерінде айтты. Қазақстандық Сангина Шарипова Серкебаевтың “Бақыт құшағында” әніне жан бітірді.
Мәскеуді бағындыруға келген Новосібір қаласының тумасы Денис Соколов өзімен бірге “Тритон” кавер тобын ала келген. Олар әйгілі “Джулиядан” ерекше хит жасап шығарған. Осы бірегейлегінің арқасында жас әнші жеңімпаз атанды.
“Денис Соколов бәрін жеңді!” – дейді әділ қазы алқалар құрамында болған “А’Студио” тобының гитарисі Владимир Миклошич.
Денис пен оның командасы Emporio Music Fest байқауының жартылай финалына жолдама алды. Аталған байқаудың финалы 23 маусымда Мәскеу қаласында өтеді. Жеңімпаз 50-ші Montreux Jazz фестиваліне жолдама алады.