Денис Тен: Мен кәріс ұлтынан шыққан қазақпын!

Сенбі, 2 Сәуір , 2016 18:21

Қазақстандық спортшы Денис Тен өзінің инстаграмдағы парақшасында Бостондағы әлем чемпионатында болған жағдайды түсіндірді.

1

Фото: instagram.com/tenis_den/?hl=ru

Мәнерлеп сырғанаудан өткен Бостондағы әлем чемпионаты қазақстандық спортшы мен жапондық Юдузу Ханю арасында сәрсенбі күні таңертеңгілік жаттығу кезінде болған кикілжіңмен есте қалды. Олар бір-біріне соқтығысып қалған еді. Нәтижесінде Ханю Тен мұны әдейі жасады деп ойлады.

“Бостон. Мен қарбаласқа толы маусымнан демалу үшін компьютерімді аштым. Бағыма орай, ол аяқталып та қалды. Әлеуметтік желідегі “қоқыстың” ішінде менің жеке басыма қауіп төндіретін хаттар бар. Өзім танымайтын адамдар мені айыптап жатыр. Шын мәнінде не болғанын өзім де жетік түсінбей отырмын. Айта берудің де еш мәні қалмаған сияқты. AFP, Japan Today, Nikkan Sports, NBCSports, Xinhua, Kyodo News, Daily Mail сынды әлемдік деңгейдегі басылымдар болған келеңсіз оқиғаны біржақты етіп көрсеткен. Әзірге менің “санама кірген вирус” қорытылып, жарақаттарым емделіп жатыр, ал чемпионат өз мәресіне жетіп қалды”, – деп жазды Денис.

Спортшы бұдан өзге алып-қашпа тақырыптарда әңгіме құрғанды ұнатпайтынын айтты.

“Адамдардың қиялынан алып-қашпа сөздерге құрылған тақырыптарды талқылағанды ұнатпаймын. Мен тәрбиелі отбасында дүниеге келдім, мұндай мәселелерді бетпе-бет кездесіп қана шешкенді жөн көремін. Ары кетсе, сыпайылық ережелерінен аттап өтермін. Сондықтан көп талқыланып жатқан сұрақтарды назарға ала отырып менің берер жауабым: Иә, бұл жағдайдың мені сенделткені рас, бірақ іштей өзімді басқа нәрсеге сендіргім келген. Иә, мен кәрістен шыққан қазақпын. «Korea-Phobia» стиліндегі балағат сөздер менің ата-бабамады да, өзімді де қорлаған жоқ. Ал басқа айыптауларға менің берер жауабым біреу ғана – “жоқ”.

Бұдан кейін Денис Тен өзінің жанкүйерлерінен кешірім сұрады.

“Бұл маусым қиындыққа толы болғандықтан, тек өзімді қолдаған жанкүйер тобымнан кешірім сұрағым келеді. Маған мәнерлеп сырғанау қиынға соғып жүр, бірақ бәрінен де жанкүйерлерімнің сенімін ақтай алмағаным жаныма батады. Мұнымен қатар, сіздердің де осы секілді негативті мазмұндағы хатты оқуларыңызға тура келгені өзіме де ұнамайды. Барлығын жуып-шаю үшін кезекті шоуыма шақырамын. Әрине, оны ұйымдастыруға қауқарым жетсе”, – деді ол.

Естеріңізге сала кетсек, Қазақстандық спортшы Денис Теннің Бостонда өткен әлем чемпионатында 11-ші орынды иеленгені туралы хабарлаған болатынбыз.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

3
Комментариев
  • Жұмбақ жан says:

    Поддерживаю Арыстанбека ! Денис , алга !

  • Арыстанбек says:

    Мы знаем нашего Дениса и какое у него воспитание тоже знаем хорошо. Меня не удивляет и тот факт, что он просто и коротко объяснил тот инцидент, который был и будет всегда, где одновременно на льду катаются много людей. Я лично за него горд, что он не опустился до уровня этого Хунью и не сказал ни одного лишнего слова. Мне хочется сказать всем, что нам всем надо его поддержать сейчас. Ему не надо чувствовать себя виноватым перед болельщиками. Он и так уже сделал многое для развития Казахстанского фигурного катания. Он лично для меня Чемпион Мира. Он уже стал им. Ему просто не дали тогда!

Leave a Reply

Your email address will not be published.

Орташа айырбас бағамы
26.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар