БАӘ шөл ортасында жасанды тау тұрғызбақ

Біріккен Араб Әмірлігі тау тұрғызып, жауын шақырып, климатты өзгертуге ниетті. Тау «құрылысы» шөлді жерге жауынды тартуға көмектеседі екен.

Бұл туралы ҚазАқпарат хабарлайды.

БАӘ үкіметі Университеттік атмосфералық зерттеулер корпорациясы мен метеорология мен сейсмологияны зерттеу бойынша араб ұлттық орталығына жүгінді. Олар тау тұрғызу мүмкіндігін және бұл үшін қолайлы жерді қарастырады. Қазір ғалымдар тауды салу мүмкін бе, жоқ па екенін, жауынды шақырту үшін таудың биіктігі қанша болу керектігін анықтап жатыр.

БАӘ-да тау құрылысы басталғанға дейін NCAR ғалымдары мен зерттеушілері аталған жобаның құнын есептеп, оны жүзеге асыру мүмкіндігін қарастыруы қажет. Егер ел үкіметі бұл ауқымды жобаны ел бюджеті көтеретініне көз жеткізген соң ғана инженерлер командасы оны жүзеге асыруға кіріседі.