Астана тұрғындары Санта-Клаусқа хат жазып, компьютер сұраған баланы іздестіріп жатыр
Астана тұрғыны Санта Клаусқа хат жазған баланың әмиянын тауып алған. Хатта Ерасыл есімді бала Санта Клаусқа хат жазып, компьютер сұраған екен.
Суреттер: facebook.com
«Бараева көшесінен ішінде хат пен ұсақ тиындары бар баланың әмиянын табылды. Хатта ол тілегін Санта Клаусқа арнап жазған. Біз тез арада Ерасылды тауып, тілегін орындауымыз керек», – дейді Астана тұрғыны Зәуре Сағидолдина өзінің Facebook парақшасында.
Оның бұл ұсынысына көпшілік қолдау көрсетті.
Ерасыл хатқа тілегінен бөлек компьютер мен тышқанының суретін де салған екен.
Хатты оқыған қолданушылар баланың 1-сынып оқушысы болуы мүмкін екенін, тіпті Бараева көшесінде орналасқан №10, №27 немесе 54-лицейде оқуы мүмкін екенін айтып жатыр.
«Негізі әмиянды менің ұлым Әсет тауып алған. Онда ұсақ тиындар болыпты. Бірақ, мен Ерасылдың әмиянын жоғалтқаны үшін көңіл-күйі бұзылғанын ойлап, хабарлауды жөн көрдім», – дейді Зәуре Сағидолдина.
Талқылау