Соңғы жаңалықтар
Соңғы жаңалықтар

Аршавин қазақстандық блогердің шашын тақырлап алып тастауға уәде етті

Қазақстандық «Қайрат» клубының футболшысы Андрей Аршавин маусым айының басында қазақстандық блогер жариялаған бәске қатысты бейнехабарлама жолдады.

arshavin-zabil-gol-shedevr-video-39880

Блогер Петр Воликов ресейлік форвард Андрей Аршавиннің «Қайрат» футбол клубына ауысқан сәтінде ресейлік ойыншының Қазақстан премьер-лигасында жарытып ойнай алатынына күмән келтірген болатын. Журналис тіпті бәске де барған болатын – егер Аршавин «Қайрат» үшін 8 гол салатын болса, онда Петр шашын тақырлап тастайтындығын мәлімдеген.

Кеше, 25 қыркүйекте «Ақтөбе» командасына қарсы өткізген ойында Аршавин чемпионаттағы 8-голын салды. Матчтан соң, футболшы блогерге арнап бейнехабарлама жолдады.

«Петр, сәлеметсіз бе! Футбол маусымы басталғанда, «егер Аршавин 8 гол салатын болса, шашымды тақырлап алып тастаймын» деп айтуға дәтіңіз барған болатын. Бүгін бұл оқиға орын алды, сіздің қуанышыңызға ма, қайғыңызға ма, білмеймін. Сондықтан уақыты мен кездесетін жеріңізді айтыңыз, мен өзім келіп, сол уәдеңізді орындауға дайынмын!», – деді Андрей Аршавин блогерге арнаған бейнероликте.

Бұған дейін Андрей Аршавиннің “Қайрат” сапында таңқалдырарлық гол соққанын хабарлаған едік.

Жіберіп алмаңыз:

Алматыда жол бойында әйел адам бір топ еркекпен төбелесті (видео)

Қаскелеңде жас жұбайлар ерте ғасырлардағыдай күймемен серуендеді (видео)

Оқушы бала “президентке хабарласып” полицейлерді қорқыта жаздады (видео)

Мейрамбек әзілдеспек болған Лұқпанға ыстық қасық басып алды (видео)

Талқылау