Әнші Ділназ Ахмадиева ағылшын тіліндегі альбомының тұсауын кесті (фото, видео)
Соңғы кездері түрлі жаңалығымен тыңдармандарын қуантып әрі мұңайтып жүрген Ділназ Ахмадиева көптен бері әзірлеп жатқан “Strength in my soul” атты альбомының тұсауын кесті.
Бұл туралы Stan.kz сайты хабарлайды.
Әсем даусымен еліктіріп, өзіндік тыңдармандарын қалыптастырып үлгерген әнші Ділназ Ахмадиева туған күнінде журналистерге берген сұхбатында 8 наурыз мерекесінің қарсаңында жаңа альбомын таныстыратынын айтқан болатын. Алайда белгісіз себептерге байланысты таныстырылымы кейінге қалдырылған. Бұған жеке өміріндегі мәселелер әсер етсе керек.
Фото: instagram.com/asselkalieva/
Әнші сәуірдің 27-і күні “Strength in my soul” атты жаңа альбомының тұсауын кесті. Аталған альбомда қазақ, орыс, ағылшын тілдеріндегі әндер бар. Ал қуанышын бөлісуге өнер мен өмірдегі достары Лидо Досалина, Луина, Мақпал Исабекова, Рано Омарова, Арнұр Ыстыбаев, Нағима Есқалиева, Әлен Самыкенов және т.б. жұлдыздар келді.
Фото: instagram.com/arnuristybayev/
Фото: instagram.com/ranosha_umarova/
“Біз өмір сүріп отырған әлемнің басты заңы – қалай да энергияны сақтап қалу. Ешнәрсе ешуақытта түбегейлі ғайып болып кетпейді. Тек бір жүректен екіншісіне беріліп отырады. Жүрегімнің махаббатқа толы болғандығы соншалық, оны өздеріңізбен бөліскім келеді!” – деп әнші жүректен шыққан әндерінің тыңдарман құлағына жетіп, оң бағасын алар деген үмітін жасырмады.
Әнші өзінің 35 жас мерей тойында “Көз алдымда” атты қазақ тіліндегі альбомының тұсауын кескен болатын.
Оқи отырыңыз:
Ділназ Ахмадиева өзінің дене бітімін қобызға ұқсатты
Ділназ Ахмадиева сымбатты болуының сырын ашты
Бүгін Ділназ Ахмадиева 35 жасқа толды
Кекіл немесе кекілсіз: Қай жұлдызға қандай шаш үлгісі жарасады?