Алматыда Қытай консулдығынан виза ала алмаған жұрт шу шығарды

Сәрсенбі, 27 Қыркүйек , 2017 22:48

Алматыдағы Қытай консулдығында тағы да жанжал! 2 айлап мекеменің табалдырығын аттап баса алмай жүрген отандастарымыз бүгін де айқайға басты. Жұрт ұзын-сонар кезекке тұрғанымен, оның еш көмегі жоқ деп ашулы. Өйткені, кезекті сатып алғандар ғана ішке кіреді екен, деп хабарлайды КТК арнасы.

Табан астынан ақша тауып жүргендер – сырттағы күзетшілер көрінеді. Ал, Қытай консулдығы олармен күресу үшін біздің министрліктерге дейін хат жолдапты. Бірақ, ведомствалар 5 айдан бері жауап қатпаған. Міне, енді соның кесірі қарапайым тұрғындарға тиіп жатыр.

Ашулы жұрт консулдықты айналшықтап шаршаған. Олардың осылай тентіреп жүргеніне 2 айдан асыпты. Күнде таңғы 4-тен осында беттегенімен, кешке табалдырық аттамастан кері қайтады.

«Алматы қаласындағылар, жарайды, келеді-кетеді. Жақын жер. Онда да жұмысын тастайды. Уақыты кетеді. Ал, енді Талдықорғаннан, Ұзынағаш жақтан келгендер бар. Олар қайтеді?!» – дейді Болат Шайқы.

Расымен, виза үшін өзге қаладан келгендер көп. Кейбірі, тіпті, далада түнеуге мәжбүр.

«Далада түнеп жүрмін, қарақтарым. Ақшам да таусылды, міне. Жаны ашып, әркім алып кетеді үйіне мені», – дейді Күлпәш Ақи.

Еңкейген қария да, еңбектеген бала да мекеменің ішіне кіре алмай әбден шаршаған. Тіпті, осы жағдайдың кесірінен туған әкесінің жаназасына бара алмай жүргендер де бар.

«Менің әкем өліп қалды. Жете алмай жатырмын әкеме», – дейді Гүлмира Мәмет.

Жүзден аса адам күнде таңертең өзара кезекке тұрады. Тек оның пайдасы шамалы. Айтуларынша, консулдыққа кіре берісте тұрған күзетші мен сақшыға ақша бергендер ғана ішке кіріп, құжатын реттей алады. Ал, жағдайы жоқтары осылай қала береді екен. Бірақ, кезек сатып, бизнесін дөңгелетті деп айыпталған күзетшілердің өзі мұның бәрін жоққа шығарды.

«Айлап жүр адамдар, көріп жүрміз ғой. Мен айта алмаймын ақша аламыз деп», – дейді Қытай консулдығының күзетшісі Айбол Мұңайтпасов.

Жұмысшылардың өзі мұны жала дегенімен, Қытай консулдығы олардың жұрттан ақша алатынын растады. Өйткені, мұндай жағдай бұрын да тіркелген. Сөйтіп, күзетшілер бірнеше рет ауыстырылыпты. Бірақ, бірінің айласы бірінікінен асып түсуде. Әйтпесе, ғимараттың ішіндегі жұмыс қалыпты жүріп жатыр.

Қараша халық тұрмақ, пайдақор күзетшіден консулдықтың өзі шаршаған. Сондықтан, мамырда Ішкі істер және Сыртқы істер министрліктерінің Алматыдағы өкілдеріне хат жолдапты. Онда жұрттан ақша жинап, оңай пайданы көздеген азаматтармен күресуді өтінген. Алайда, 5 айға жуық уақыт өтсе де қос ведомства үнсіз. Әзірге консулдық олардан жауап күтіп отыр. Бүгін біз де қос министрліктен тұщымды жауап ала алмадық.

Жіберіп алмаңыз:

Ақтөбелік турфирма мүгедек екенін білген соң, оқушыны ЭКСПО-ға апармай қойған

Тағы бір ірі әуе компаниясы керосиннің тапшылығын тартып отыр

Өскеменде Абай Құнанбаевтың әлемдегі ең үлкен бейнесі пайда болды

Қостанайда зейнеткерді тонап кеткен студент қыз сотталды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
21.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар