Алматыда апатқа ұшыраған автобустағы жүкті әйел бетінің сау тамтығы қалмаған

Сейсенбі, 9 Тамыз , 2016 22:18

Алматыда өткен аптада апатқа ұшыраған автобустағы жүкті әйелдің бет жүзінің сау тамтығы қалмағаны белгілі болды. Әйелдің шекесі айырылып, түрі кісі шошырлық жағдайда. Одан қалды, іштегі баласы да түсіп қалуы мүмкін, – деп хабарлайды КТК арнасы.

012

Дәрігерлер оның жағдайы тәуір деген еді. Ал келіншек апатқа жүргізушінің кінәлі екенін айтып отыр. Оның сөзінше, бұған дейін болған оқиғаны басқа көліктерден көріп келген жігіт автобусты аяғын сыртқа шығарып айдаған көрінеді. Гүлзира Қырықбаева бір жетіден бері орнынан қозғала алар емес. Аяғы ауыр келіншек автобустың кесірінен осындай жағдайға жеткен.

“Мен көрдім ғой.  Сенің қолыңда телефон  сен туннелге кіріп келе жатқанда жолаушы апайдың бірі айғай салды. “Телефонды таста” деп.  Сенің бір аяғыңды терезеден шығарып отырғанды бәрі көрді. Растай алады”, – дейді Гүлзира Қырықбаева.

Аяғын автобустан шығарып айдаған жүргізушінің кесірінен енді оның іштегі сәбиіне қауіп төніп тұр екен. Ал өзінің бет жүзі кісішошырлық жағдайға жеткен. Автобус апатынан маңдай терісі айырылып түсіпті. Жүкті әйелінің жайынан әлі есін жимаған Дастан жүгенсіз жүргізуші мен автопарк басшысын жазасыз қалдырмауды сұрап отыр. “Бір-бірімен автобустар жарысып жүреді. Мал алып келе жатқан сияқты. Үйде  балаларым сұрайды “мама қайда?” деп. Басшылығы мен жүргізушіні жауапқа тартсын”, – дейді Дастан Онбесбаев.

Сөйтсе, автопарк басшылығы зардап шеккен жүкті жолаушының жағдайын да сұрап келмеген екен. Гүлзира Қырықбаева отырған автобус өткен аптада Райымбек және Сүйінбай даңғылдарының қиылысында бетон қабырғаға соғылған. Ал жүргізуші болған жайттты басқа көліктерден көрген болатын. “Жарысып ондай ештеңе болған жоқ. Кішкене кезімнен автобуста кондуктор боп істедім. Рөлде көптен бері келемін”, – дейді автобус жүргізушісі Әкімжан Шәмиев.

Ал автопарк басшылығы жүргізуші жұмыстан қуылады дегенімен, өздеріне шаң жуытпай отыр. Зардап шеккендерге көмек көрсетіледі деп те айтты. Бірақ, жарақат алған жүкті жолаушының жағдайын білмек түгілі, ауруханада жатқанынан да хабарсыз боп шықты.

“Қай ауруханада жатыр? Қазір адам жіберемін. Қандай көмек керек, бәрін көрсетеміз. Емдейміз”, – дейді “Green bus company” ЖШС директоры Бауыржан Құлышев. Ал терезеден аяғын шығарды дегенге автопарк басшылығы сол күйі сенген жоқ. Айтуынша, жолаушының айтып отырғаны өтірік екен. Енді оқиғаның анық-қанығын тергеушілер анықтайтын болады.


Жіберіп алмаңыз:

Алматының тағы екі көшесіне автобусқа арналған жолақтар енгізіледі

Ресейде жүрек аппаратымен жүрген оқушыны террорист деп автобустан қуып шықты

Алматы автобусында бір реттік жол жүру ақысы 150 теңге болмақ

Адамдарды ажал құштыра жаздаған автобус жүргізушісі апаттың қалай болғанын айтты

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

2
Комментариев

Пікір қалдыру


Анонимно
5 ай 6 күні кері

Автубкстың шөпірін срттау керекаяғы ауыр кеоіншек өзінің əиелі болса балнисаға бармаима журексіз имансыз болып турғои.Аяғы ауыр келіншекке алла шипасын берсін.

Анонимно
5 ай 6 күні кері

Соттау керек автобус тын жургизушисин

wpDiscuz
Орташа айырбас бағамы
16.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар