Алматы облысындағы шекара заставасында сарбаз асылып қалды
Алматы облысындағы шекара заставасында сарбаз асылып қалды, деп хабарлайды Бас әскери прокуратураның баспасөз қызметіне сілтеме жасап Stan.kz.
Сурет: Владимир Дмитриев
Бас әскери прокуратураның баспасөз қызметінің мәліметінше, оқиға 12 сәуірде орын алған.
“12 сәуірде шамамен кешкі сағат 17:00-де Алматы облысы Үшарал қаласындағы ҚР ҰҚК Шекара қызметінің 2484 әскери бөлімінің «Жоңғар» шекара заставасында сарбаз А.Е.Хамзин асылған күйінде табылды. Ол аталған әскери бөлімінің мерзімді әскери қызметкері болған. Сарбаздың өз-өзіне қол жұмсауына әскери қызметінің қатысы жоқ. Жеке басының мәселелері бойынша өзіне қол салған болуы мүмкін”, – делінген хабарламада.
Аталған оқиға ҚР ҚК 105-бабы 1-бөлімі (Өзiн-өзi өлтiруге дейiн жеткiзу) бойынша тіркелді.
“Іс ҚР ІІМ ӘТБ Оңтүстік аймағының Талдықорған бөлімінің өндірісіне қабылданды”, – деп мәлімдеді ведомствода.
Қазіргі уақытта тиісті тергеу-жедел іздестіру амалдары жүргізілуде.
Оқи отырыңыз:
Шымкентте әскери мектебінің шәкірті оқу-жаттығу кезінде көз жұмды
Алматылық келіншек пойызда босанып қалды
Алматы облысында ауыл мектебін 10 жылдан бері жыландар басып алған
Атырауда аңға шыққан ер адам қасқыр екен деп досын атып тастаған