Алматы облысында тікұшақ апатынан көз жұмған дәрігерлердің отбасына баспана беру қарастырылып жатыр

Бейсенбі, 4 Ақпан , 2016 11:42

Алматы облысында тікұшақ апатынан қаза болған дәрігер-гематолог Бақытгүл Қайсанова мен фельдшер Гүлнұр Хамитованың отбасын баспанамен қамту жағы қарастырылып жатыр.

Безымянный

Бұл туралы 31 арна хабарлайды.

Сондай-ақ, қаза болған дәрігер-гематолог Бақытгүл Қайсанова мен фельдшер Гүлнұр Хамитова облыстық денсаулық сақтау басқармасы тарапынан мемлекеттік марапатқа ұсынылатын болды.

Ұсыныс облыс әкімі Амандық Баталовқа жолданды. Әкімдік қолдаған жағдайда етжақындары баспаналы болады. Себебі, 25 жылдан астам еңбек етіп, облыс бойынша балалардың жалғыз дәрігер-гематологы болып қызмет атқарған  марқұм Бақытгүл Қайсанова мен  фельдшер Гүлнұр Хамитова да жалдамалы пәтерде тұрып келген. Қиын сәтте өзгенің өмірі үшін күресіп, өздері құрбан болған ақ халаттылардың әріптестері де олардың туыстарына қол ұшын созуда.

“Баспанамен қамту  немесе қаржылай қолдау көрсету жағы қарастырылатын болады.Ең бастысы облыс басшысы бастамамызды қолдап отыр. Жалпы қайғылы жағдайға байланысты облыстағы медицина саласының қызметкерлері 2 әріптесімізге 4 миллион теңге көлемінде қаржылай қолдау көрсетті”, – дейді Алматы облыстық денсаулық сақтау басқармасының басшысы Асхан Байдуәлиев.

Бұған дейін Алматы облысында болған тікұшақ апаты жайлы және апатта қаза тапқан Гүлнұр есімді медбикенің тұрмысқа шығуға дайындалып жүргені жайлы, сондай-ақ ол оқыған колледжге есімін беру туралы ұсыныс жасалғанын хабарлаған боламыз.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
22.10.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар