Алматы әкімдігіндегі дәретхананың ластығы келушілердің наразылығын тудырды

Ұлан Шәмшет есімді желі қолданушысы  Алматы әкімдігіне барып, ондағы лас, жиіркенішті әжетханадан ұшынып қайтқан. Оны суретке түсіріп алып  көргені жайлы ойымен бөліскен.

“Сіздер бұны вокзал ма немесе қандай да бір базар маңындағы келім-кетімі көп,тазалыққа жауапты қызметкер жоқ жердің  әжетханасы деп ойлап тұрған боларсыздар. Өкінішке қарай бұл Алматы әкімдігіндегі ерлерге арналған әжетхана. Сондықтан қаламыздың ластығына таң қалмаңыздар”,-деп жазған Ұлан Шәмшет.

Ол Алматы әкімдігіндегі шенеуніктердің халыққа деген көз қарасын осыдан –ақ түсінуге болады деген түйін жасаған.