Алматыда Әлия Назарбаеваға тиесілі Luxor фитнес-орталығы 25 миллион долларға сатылымға қойылмақ
Экс-президент Нұрсұлтан Назарбаевтың қызы – Әлия Назарбаеваға тиесілі Алматыдағы Wellness Club Luxor фитнес-орталығын 25 миллион долларға сатпақ. Бұл туралы Stan.kz ақпарат агенттігі ҚазТАГ сайтына сілтеме жасап хабарлайды.
Фото: Wellness Club LUXOR Facebook-парақшасынан
“Алматыда Әлия Назарбаеваның Luxor-ын сатқысы келеді. Жобаның бағасы 25 миллион долларды құрайды (шамамен 11 миллиард теңге)", – деп келтіреді басылым жағдаймен таныс дереккөздің сөзін.
Сондай-ақ редакция қымбат мүлікті сатумен айналысатын риэлторлардың байланыс нөмірлері бар екенін атап өтеді.
- Полиция рейдерлік әрекет бойынша Әлия Назарбаеваға қатысты іс қозғаудан бас тартқан
- Мемлекеттік басылым Әлия Назарбаеваны қазақтың ержүрек қызы Әлия Молдағұловамен бір қатарға қойған
Айта кетейік, Қазақстандағы және Орталық Азиядағы ең ірі болмаса да, ең үлкен фитнес-орталықтың бірі құжаттарға сәйкес Назарбаева 2001 жылы негізін қалаған "Әлем ЛТД" ЖШС болып саналады. 2017 жылы аталған ЖШС Виргин аралдарында Svelte Investor Limited оффшорлық компаниясы ретінде қайта тіркелген. Сонымен бірге, Әлия Назарбаева компанияны ресми түрде 2023 жылдың наурызында басқарған, бірақ 2023 жылдың 14 наурызынан бастап Әуелхам Назғұм Ахметжанқызы басшы болып тіркелді, ал 2024 жылдың ақпан айынан бастап басшы лауазымын Әмина Серікбайқызы Шапиева атқарып келеді.
Еске салайық, бұған дейін Әлия Назарбаева 170 млн доллар тұратын бизнесті рейдерлік жолмен басып алды деп айыпталған.