Актер Владимир Толоконников ауруханаға түсіп қалды
Қазақстандық актер Владимир Толоконников Мәскеуде ауруханаға түсіп қалды. 73 жастағы әртістің денсаулық жағдайы нашаралаған соң, ол медицина қызметкерлерінің көмегіне жүгінуге мәжбүр болды.
Ресейлік БАҚ-тың хабарлауынша, Владимир Толоконниковтің созылмалы дерті асқынып кеткен. Қазіргі уақытта актер стационарда жатыр. Ол интенсивті терапия курсынан өтуі тиіс. Дәрігерлердің айтуынша, актердің қазіргі жағдайы бірқалыпты, деп хабарлады Экспресс-К.
Есесіне Толоконников өзіне пәлендей ештеңе болмағанын айтуда.
«Емделуге уақытым пайда болды. Қорқатын дәнеңесі жоқ, бар болғаны суық тиді», – деді ол.
Владимир Толоконников елуге жуық фильмдер мен телехикаяларға түскен. Оның ішінде “Хотаббыч”, “Тоғысқан тағдырлар”, «Виола Тараканова: в мире преступных страстей» және т.б. бар. Алайда оны ел арасына кеңінен танымал еткен образы – Михаил Булгаковтың шығармасының желісі бойынша түсірілген “Собачье сердце” фильміндегі Полиграф Полиграфович Шариковтың образы.
Жіберіп алмаңыз:
Сәкен Майғазиев “Ninety one” тобының 9 түрлі жақсы қасиетін атады (видео)
Ди Каприоның фильмінен кейін Мақпал Исабекова вегетариан болып кетті
Зарина Омарова сахнаға қайта оралу үшін 25 келі салмақ тастаған
"Баланы тұз қосылған суға шомылдыру, омырауын сығу" сынды салттар қаншалықты дұрыс – Мамандар жауап берді
