Ғалия Балжігітованың айтуынша, салмағы 4 келіден асатын нәрестелер саны күннен күнге артып келеді. Жылдың басынан АҚПО-да салмағы 4 келіден асатын 231 сәби дүниеге келген, бұл жаңа туған нәрестелердің жалпы санының 20% -дан астамын құрайды. Бұл туралы Lada.kz-ке сілтеп, Stan.kz ақпараттық агенттігі хабарлайды.

«2016 жылы салмағы төрт келіден асатын 864 бала дүниеге келсе, бұл көрсеткіш 2017 жылы 960-қа өсті. 2018 жылы кесарь отасы арқылы көпсалмақты 56 сәби дүниеге келді. Көпсалмақты балалардың тууы әртүрлі факторларға, соның ішінде тұқымқуалаушылыққа, ананың ағзасындағы метаболикалық бұзылыстарға, сондай-ақ генетикалық ауытқұларға байланысты. Бірақ, балалардың көпсалмақты болып туылуы ауру болып табылмайды. Тек, жүкті әйелге босану кезінде қиындау болады. Зерттеулерге сәйкес, ұрықтың макросомиясы бар әйелдердің 80% -ы еш қиындықсыз, өздері босана алады», – деп түсіндірді Ғалия Балжігітова.

Сонымен қатар, АҚПО-да 19 жастағы әйел салмағы 1,94 келі, бойы 45 сантиметр болатын ең кішкентай сәбиді дүниеге әкелген.

Айта кетейік, жаңа туған нәрестенің орташа салмағы 3,3-тен 3,5 келіге дейін болуы керек. Биылғы жылдың көрсеткіші бойынша АҚПО-да барлығы 1337 бала дүниеге келген екен.

Жіберіп алмаңыз:

Қазақстанның мемлекеттік қызметшілерінің дөрекілігі басым

Ақтөбеде мемлекеттік мекемелер жетім балаларды қамқорлығына алды

Алматылық әйел ұшақтағы жолаушының өмірін құтқарып қалды

Шымкентте 21 жастағы орыс жігіті ислам дінін қабылдап, сүндетке отырды

Талқылау