60 жасында компьютерді үйренген 81 жастағы жапондық әжей мобилді қосымша құрастырды

81 жастағы жапониялық әжей өзінің ерекше дарынымен көпшілікті таңғалдырды.

Жапонияда 3 наурызда жыл сайын тойланатын қуыршақтар күніне орай Масако Вакамия жұртшылыққа өзі құрастырған мобилді қосымшаны таныстырды.

Вакамия 43 жыл бойы орталық банктердің бірінде жұмыс істеген. Ал 60 жасында компьютерді меңгерген.

Ол құрастырып шыққан қосымша Hinadan деп аталады. Бұл сөз hina (“қуыршақ”) және dan (“өзінің орнына орналастыру”) деген екі сөзден шыққан.

Ойыншы дәстүрлі жапон қуыршақтарын керекті орынға ретімен қоя білу керек. Егер тапсырма дұрыс орындалса, хабарлама шығады.

Әжей Excel-де суретті қалай құруға болатынын көрсететін блог жүргізіп, өзінің Жерорта теңізі мен Жаңа Зеландияға саяхатын баяндайтын видеоблог та жүргізеді. Белсенді әже Токиода жеке клуб ашып, ол жерде зейнеткерлерді өмірді толыққанды сүріп, дұрыс мақсатта пайдалануға шақыратын дәрістер өткізеді.

Оқи отырыңыз:

Индонезияда ойнас жасағандарға жұрттың көзінше дүре соғылды (фото)

АҚШ-та әкесімен ақшаға бәстескен балақай жабайы бұқаның үстінен секіріп өтпекші болды (видео)

Эминем мен Рианнаның әнін шырқаған тотықұс желіде жұлдызға айналды (видео)