Жұмаққа апарар жол: Сәкен Майғазиевтің үшінші қызы дүниеге келді

Майғазиевтер отбасында көптен күткен қуаныш! Сәкеннің жары Динара бүгін төртінші перзентін дүниеге әкелді, деп хабарлайды Stan.kz ақпараттық агенттігі.

Осыдан бірер ай бұрын Майғазиев қуанышты хабарды елге жеткізген болатын. Жеті баланың әкесі атануды армандайтын ол келіншегінің аяғы ауыр екенін қуана хабарлады. Мамыр айында босанатынын да жасырмады. Майғазиевтің үшінші қызы ата-анасын ұзақ күттіріп, көктемнің соңғы күнінде жарық дүниеге келген-ді.

Сүйінші хабарды алғашқылардың бірі болып журналист Анна Данченко елге жеткізді.

“Сүйінші! Сәкен Майғазиев мырза мен жары Динара xанымның отбасында үлкен қуаныш – керемет жұп қызды болды! Бауы берік болсын!” – деп құттықтады ол.

Өз кезегінде Сәкен бұл жаңалықты растады.

“Аллаh – ұлық! Сүйінші! Әділетімнің үш қарындасы бар! Шексіз шүкіршілер мен сансыз мақтаулар бір Аллаға болсын! Әр шаңыраққа осындай қуаныш тілейміз”, – деп қуанышымен бөлісті ол.

Айта кетейік, Майғазиевтің тұңғышы Әділет 21 жаста. Сондай-ақ, әншінің Райана және Мәриям есімді қос қызы бар.

Stan.kz сайтын Telegram арқылы оқыңыз. Арнамызға жазылыңыз.