Кәмшат Жолдыбаева “әншілер нанымызды тартып жеп жүр” деген журналистердің әлсіз маман екенін айтты
Кәмшат Жолдыбаева “Әншілер мен актерлер біздің нанымызды тартып алып жеп жүр” деген журналистердің бар болғаны әлсіз маман екенін айтты. Олардың бұл сөзін әлсіздің жанайқайы деп білетінін жеткізді.
Фото: instagram.com/kamshat__zholdybayeva/?hl=ru
Бұл туралы Астана арнасының “Сырласу” бағдарламасында айтылды
“Әншілердің бағдарламаны жүргізуін сіз қабылдай аласыз ба? Осыны дұрыс үрдіс деп ойлайсыз ба?” – деп сұрады бағдарлама жүргізушісі Әйгерім Сейфолла. Бұл сауалдың қойылатынын Кәмшат Жолдыбаева күткен сыңайлы. Себебі, әнші мүдірместен көптен беру айтқысы келіп жүрген ойын жеткізді.
“Әрине, қабылдай аламын. Барлығын бірдей бағалап, бір баға беру мүмкін емес. Тыңдап, көріп барып қана бағасын бересің. Әнші мықты жүргізіп тұрса, неге бұл мүмкіндікті пайдаланбасқа?! Әртүрлі пікір, яғни сіздің әріптестеріңіз “Ойбай, әншілер немесе актерлер біздің нанымызды тартып алып жеп жүр. Неге әркім өз ісінің маманы болмайды? Қалдырсын бізге сол мүмкіндікті” деп айтып жатады. Мен мұны әлсіз мамандардың немесе әлсіз жандардың айтатын жанайқайы деп ойлаймын. Сен мықты болсаң, ешқашан далада қалмайсың”, – дейді ол.
Әншінің бұл сөздерін естіп отырған журналист Әйгерім Сейфолла күлкіге ерік берді. “Әріптестерім, Кәмшатты осы пікірі үшін жан-жақтан жеуге дайындалыңдар” деді ол күліп.
Жіберіп алмаңыз:
Ішімдіктен бас тартуға 5 себеп. Қазақстанда арақ-шарапсыз тойлар қалай өтіп жатыр?
Мейрамбек Беспаев жастық шағын сағынып жүргенін айтты (фото)
Ділназ Ахмадиева кезекті туындысын барлық бақытты әйелге арнады
Қайрат Нұртас өтініп сұраған тыңдармандарына тегін билет таратқан