Соңғы жаңалықтар
Соңғы жаңалықтар

Желіде жалаңаш суреттерін жариялауды әдетке айналдырған қазақ қызы туыстарының өзінен теріс айналғанын мойындады

Бүгінде желіні ашсаңыз болды бесіктен белі шықпаған бойжеткендердің оғаш қылықтары мен ерсі әрекеттерін көресіз. Біреуі жалаңаш төсін дүйім жұртқа жарнамаласа, қалғаны жалаңаш суреттерін жариялап, өздерінің кма екенін дәлелдеп әлек.

Желіде жалаңаш суреттерін жариялауды әдетке айналдырған қазақ қызы туыстарының өзінен теріс айналғанын айтты

Бұл туралы Еуразия бірінші арнасына сілтеме жасап Stan.kz хабарлайды.

Бұл күнде әлеуметтік желіде еш қымсынбастан жалаңаш тәнін көрсетіп, ерсі әрекетімен елге танымал болғысы келетін қаракөздеріміздің қарасы көбейіп кетті. Бірі төсін ашып тыраштанса, басқасы тәнінің сұлулығын жалпақ жұртқа жариялап әлек. Ал мамандар мұны технологияның дамыған заманындағы дауасы жоқ дертке жатқызады.

«Бұрынғы қыздар тұрмыс құрғаннан кейін күйеуінің алдында шешінетін. 80-жылдардың қыздары ақшаға суретке түсу үшін шешінді. Қазіргілер «лайк» үшін шешінеді. Сондай дәрежеге түсіп кетті. Бұл айналасындағылардың әсері емес. Түйсікке, білімге, тәрбиеге байланысты», – дейді қоғам белсендісі Дәурен Құдайбергенов.

Әлеуметтік желінің арбауына түскен 19 жастағы Карина күнделікті өмірін «лайксыз» елестете алмайтын күйге жеткен. Хайп үшін қандай болса да қадамға баруға дайын. Алғашқыда жігітіне ерегіскендіктен, жалаңаш тәнінің суретін желіде жариялаған. Осылайша, бір-ақ сәтте жұлдызға айналған ол талай сынның астында қалғанын жасырмайды. Тіпті ерсі қылықтарынан кейін одан туған-туысқандары да теріс айналған. Бірақ өзіне деген осындай көзқарастарға қарамастан бойжеткен алған бетінен қайтар емес.

«Ең бірінші жалаңаш суретімді жариялауым кездейсоқ болды. Мұнан кейін маған осындай суреттер ұнап қалды. Әрі қарай суретке түсе бастадым. Бәрі маған ұрыса бастады. Содан кейін ұрысқандарын қойды. Қазір қатты ештеңе айтпайды», – дейді Карина.

Заңгерлердің сөзінше, кез-келген порнографиялық элементтері бар әрекет үшін заң алдында жауап беруге тура келеді.

«Ол туралы жеке заңда бар. Ол қаншалықты шешінгеніне байланысты. Мұндай заттарды кім көретінін ешкім білмейді ғой. Оны жасөспірімдер көруге болмайтын, тымый салынған жағдайларда жасаса, әрине, жауапқа тартады. Қылмыстық жауап та бар, әкімшілік жауап та бар», – дейді заңгер Тұрсын Төлеген.

Ал танымал блогер Алмас Тоқабаев интимдік суреттерін жарнамалап, арзан танымалдыққа қол жеткізгісі келетін бойжеткендерге қолданар ауыр жаза бар дейді. Ол…

«Мұндай адамдар үшін ең жақсы жаза – игнор, яғни бейтараптық. Көрсең де, көрмегендей өтіп кет. «Лайк» баспа, пікір жазба. Қызықтың ба, бір қарап ал да, әрі қарай кете бер. Адамдар бейтараптық танытса, олар да кетеді. Мүмкін басқа жолға түсіп кетер. Жеңіл танымалдыққа ұмтылған адамдардың эгосын қанағаттандырмау керек», – дейді блогер.

Ал психолгтардың сөзінше, әлеуметтік желіде жалаңаш суреттерін жүктеп, қоғамдағы кейбір түйіткілді мәселелерге қатысты өзінің позициясын дәлелдеп жүрген арулардың басым бөлігі жігіттердің назарынан қалған немесе жалғыздықты бастан кешіп жүрген жандар. Ал күні-түні жұрттың назарын шешіну арқылы өзіне аударғысы келетіндер – психологиялық ауруға шалдыққандар. Ондайлар ертең кеш болып кетпес үшін, дереу психолог мамандарға жүгінуі қажет, дейді.

Stan.kz сайтын Telegram арқылы оқыңыз. Арнамызға жазылыңыз.

Талқылау