Желі қолданушылары Аша Матайды жүктілігімен құттықтап жатыр
Әлеуметтік желі қолданушылары Аша Матайдың аяғы ауырлағанын жарыса жазып жатыр.
Сурет: Comode.kz
Бұл туралы Stan.kz тілшісі хабарлайды.
Аша Матай мен Арман Қоңырбаев көптен көңіл жарастырып, мұны халықпен бөлісуге асықпаған-ды. Тіпті, бір кездері Аша Матай өзінің Инстаграмдағы парақшасына екеуінің арасында тек достық бар екендігі туралы жазған болатын.
Әлеуметтік желі қолданушылары Аша Матайдың суреттеріне қарап, оның салмақ қосқандығын айтып, аяғы ауырлағандығы туралы жазып жүр. Бірі Ашаның ішін жауып тұратын киімдерді ғана киіп жүргенін тілге тиек етсе, енді бірі соңғы кезде тек денесінің жоғарғы бөлігін көрсететін суреттер ғана салатынын жазуда. Алайда әнші еш жерде аяғының ауыр екенін растайтын ақпарат берген жоқ.
Шаңырақ көтермей тұрып “Жүрек сырым” атты ән жазып, дуэт болып үлгерген жұлдызды жұп тойы Алматы қаласында 25 қыркүйек күні өтті. Дәл қазір мерекелік шараларда жұп болып бой көрсетіп жүр. Қос ғашық инстаграмдағы парақшасында бал айының суреттерімен бөлісіп, тыңдармандарын қуантқан болатын.