Жүрегі оң жағында орналасқан қазақ қызы сөздерді керісінше оқиды

Бейсенбі, 2 Ақпан , 2017 14:17

Мәлика Тәкенова есімді бойжеткен барлық сөзді керісінше айтып жұртты таңғалдырды.

1п

Бұл туралы Қазақстан арнасының “Айтуға оңай” бағдарламасында айтылды.

Мәлика Тәкенова мүдірместен кез келген сөзді керісінше айтып бере алады. Мұндай қасиет оның бойында бала кезінен бар. Ғалымдардың мәліметтеріне сүйенсек, бұл 10 млн адамның тек біреуінде ғана кездеседі. Оның ішкі ағзалары да өзгеше орналасқан. Яғни жүрегі оң, бауыры сол жақта. Қан айналымы да кері жүреді.

“Біз оның дарынын ерте байқадық. Бірақ аса мән бермедік. Оның тіпті Гиннесстің рекордтар кітабына енгенін естідім. Басында біраз уақытқа дейін сенбей жүрдім. Мұның расымен де ғаламат екенін қазір сезініп отырмын”, – дейді атасы Иран Тасқара. Мәлика дәл қазір Көкшетау қаласындағы ЖОО-лардың бірінде Информатика пәні бойынша магистратурада білім алып жүр. Дарынды қыз үнемі ізденіс үстінде. Кітап оқығанды ұнатады.

“Бойымнан аса бір ерекшелік сезінбеймін. Мектепте әнұран айтқан кезде қолымды оң жақ омырауымның үстіне қоямын. Мен туғаныма екі күн болған кезде дәрігерлер ішкі құрылысымның керісінше орналасқанын анама айтқан. Яғни бүкіл ішкі ағзам керісінше орналасқан. Апам мен атамның арқасында 4 жасымнан бастап жазуды үйрендім. Бастапқыда сөздерді теріс оқу барлық адамға тән қасиет екен деп ойладым. 11 жасымда анама теріс оқи алатынымды айттым. Екеуіміз мұның сирек кездесетін қасиет екенін сол кезде ғана білдік. Мұның ешқандай да денсаулыққа зияны жоқ.

Мен секілді сөздерді керісінше айтатын адамдар жетерлік. Әдетте қалай естісем, солай айтамын. Яғни сөздерді көз алдыма елестетпей-ақ айта беремін. Бірақ осы күнге дейін ішкі құрылысы өзгеше орналасқан адамдарды кездестірмедім. Оларды көргім келеді. Атам 7 жасымда домбыра алып берген болатын. Содан бері өлең айтамын. Артынша музыка мектебіне берді. Ары қарай музыкалық колледжге түстім. Бітіріп енді мамандықты өзгерттім. Қазір бағдарламашы мамандығы бойынша білім алып жатырмын”, – дейді Мәлика.

Бейсен Құранбек бағдарлама барысында оны сынап көрді. “Ұлттық арна”, “айтуға оңай”, “Қазақстан”, “Қазақстанның Тәуелсіздігіне 25 жыл” сынды сөздер мен сөйлемдерді керісінше айтқызды. Мұнымен қатар, Мәлика бұл ерекшелігін болашақ жарынан жасырмайтынын айтып жатыр. Бірден айтпаса да, уақыт өте келе ескертіп қоятынын жеткізді.


Жіберіп алмаңыз:

Алматылық шетелдіктерге арналған жезөкшелер ордасына қалай жұмысқа тұрғанын айтты

Әйелінің адалдығына күмәнданған ауғанстандық оның қос құлағын кесіп тастады

Баян мен Тұрсынғали махаббат хикаяларының қалай басталғанын айтып берді

Асхат Садырбай: Баласына әкесін сыйлата алған әйел – нағыз әйел

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

4
Комментариев
  • Anonymous says:

    Қандай қызық! Менің қызым да осылай сөздерді кері айтады! өрыс, қазақ, ағылшын тілдерінде. Бұл сирек кездесетін қасиет екенін білмедім!

  • Anonymous says:

    Қандай қызық! Менің қызым да қазақ, орыс, ағылшын тілдерінде сөзді бірден теріс айтады! Ол сондай сирек қасиет екенін білмеппін!

  • Anonymous says:

    Мәлика, бақытты бол! Алға! Өзің де бір ақылыңа көркің сай әсем қыз екенсің, айналайын, бағың ашылсын!

  • Ерназар says:

    Менікі де оң жақта бірақ ондай қасиетім жоқ мүлде!!!

Leave a Reply

Your email address will not be published.

Орташа айырбас бағамы
30.04.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар