Эквадорда жер сілкінісінен кейін жүзге жуық жазасын өтеуші түрмеден қашып кетті
Сенбі күні болған жер сілкінісінен кейін Эквадордың Манаби провинциясындағы түрмеден 100-ге жуық жазасын өтеуші қашып кетті. Алайда олардың 30-ын полицейлер ұстады.
Сурет: www.popmech.ru
Кейбіреулері түзету мекемесіне өз еркімен барды, деп жазды Twitter-дегі шағын блогына елдің әділет министрі Леди Суньига.
«Портовьеходағы түрмеден 100-ге жуық жазасын өтеуші қашты. Біз оларды Эквадор полициясымен бірлесіп іздеудеміз», – деді Леди Суньига.
Министр табиғи апат түрме инфрақұрылымын да бұзғанын атап өтті. Жазасын өтеушілер арасында қаза тапқандар және жарақат алғандар болғаны не болмағаны туралы ақпарат жоқ.
Бұған дейін Эквадор президенті Рафаэль Корреа жер сілкінісінен кейін қаза тапқандардың саны 233 адамға жеткенін мәлімдеген. Ол жерасты дүмпуі салдарынан Манта елді мекені қатты зардап шеккенін айтты. Корреа бұл қалаға өзі бара жатқаны жайлы хабарлаған еді.
Талқылау
Қазақстандық қыз АҚШ-та бөпелі болып, дипломын қызымен бірге алған: енді ол Стэнфордта докторантура оқымақ
Әсел докторантурада оқуды бұрыннан ойладым, 10 жыл еңбектендім дейді
“Босанған соң, анамның бүйрегін денем қабылдамай қойды": Қазақстандық әйел төрт жылда екінші рет ағзасын ауыстырмақ
Әйел диализден кейін жүрегі айнып, басы ауыратынын, әлсіз болатынын айтады