Василий Левит олимпиада ойындарының финалына шықты
91 келі салмақта сынға түскен қазақстандық боксшы Василий Левит куба қабыланы Эрисланди Савонмен кездесіп, олимпиада ойындарының жартылай финалына шықты.
Алғашқы раундта қос қарсылас аса мардымды шабуыл жасаған жоқ. Әйтсе де, төрешілер бірінші кезеңдегі жеңісті төрешілер кубалық боксшыға берді. Ал екінші кезеңде алма-кезек жұдырық алмасып, жекпе-жек жандана бастады.
Екінші раунд барысында ширақ қимылдап, қарсыласын төпелеп ұрған Левитке төрешілер тарапынан басымдық берілді. Үшінші шешуші раундта да Василий өз қарқынын арттырып, қарсыласының шабуыл жасауына еш мүмкіндік берген жоқ. Осылайша өзінің кубалықтан бір бас жоғары екендігін байқата алды. Енді Левит финалда ресейлік Алексей Тищенкомен кездеседі.
Бұған дейін 69 келіде сынға түскен Данияр Елеусінов олимпиада ойындарының жартылай финалына шыққан еді.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан